ଯାଜପୁର: ଗୋମାଂସ ବୋଝେଇ କଣ୍ଟେନର ଜବତ । କୁଆଖିଆ ଥାନା ଅନ୍ତର୍ଗତ 16ନଂ ଜାତୀୟ ରାଜପଥ ବିଲିପଡ଼ା ନିକଟରୁ ଗୋମାଂସ ବୋଝେଇ କଣ୍ଟେନର ଜବତ ।
ଗୋମାଂସ ବୋଝେଇ କଣ୍ଟେନର ଜବତ, ଦୃଢ କାର୍ଯ୍ୟାନୁଷ୍ଠାନ ଦାବି କଲା ବଜରଙ୍ଗ ଦଳ
ସୂଚନା ଅନୁଯାୟୀ ସମ୍ବଲପୁରରୁ କୋଲକାତା ଅଭିମୁଖେ DL1GC-4302ନମ୍ବର କଣ୍ଟେନର ୧୬ ନଂ ଜାତୀୟ ରାଜପଥରେ ଯାଉଥିବା ବେଳେ ବଜରଙ୍ଗ ଦଳର କିଛି ଯୁବକ କଣ୍ଟେନର ମଧ୍ୟରେ ଗୋମାଂସ ଥିବା ସନ୍ଦେହ କରି ଅଟକାଇ କୁଆଖିଆ ଥାନାକୁ ଅବଗତ କରିଥିଲେ । କୁଆଖିଆ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଗୋମାଂସ କଣ୍ଟେନର ସହ ଚାଳକକୁ ଜବତ କରି କୁଆଖିଆ ଥାନାକୁ ଆଣିଥିଲେ । ରସୁଲପୁର ପଶୁ ଚିକିତ୍ସକ ସୁନାକାର ସାମଲଙ୍କ ଉପସ୍ଥିତରେ କଣ୍ଟେନର ଚାବି ଖୋଲାଗଲା ପରେ ଉକ୍ତ ମାଂସକୁ ପୋଲିସ ପରିତ୍ୟକ୍ତ ସ୍ଥାନରେ ପୋତିଦେଇଥିବା ଜଣାପଡିଛି ।