ଯାଜପୁର: ପାରିବାରିକ କଳହର କରୁଣ ପରିଣତି । ବିଷ ପିଇ ଦମ୍ପତି ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଘଟଣାଟି ହେଉଛି ଯାଜପୁର ସଦର ଥାନା ସାମନ୍ତରାପୁର ଗାଁର । ଗୁରୁବାର ବିଳମ୍ବିତ ରାତିରେ ଗାଁର ପ୍ରଶାନ୍ତ ବିଶ୍ବାଳ ଓ ପତ୍ନୀ ଚୁମୁକୀ ବିଶ୍ବାଳଙ୍କ ମଧ୍ୟରେ ପ୍ରବଳ ଝଗଡା ହୋଇଥିଲା । ଏହାପରେ ଉଭୟଙ୍କର ପ୍ରବଳ ବାନ୍ତି ହେବାରୁ ପଡୋଶୀଙ୍କ ସହାୟତାରେ ଉଭୟଙ୍କୁ ଯାଜପୁର ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।
ପାରିବାରିକ କଳହର କରୁଣ ପରିଣତି, ବିଷ ପିଇ ଦମ୍ପତ୍ତିଙ୍କ ଆତ୍ମହତ୍ୟା ଅଭିଯୋଗ
ସୂଚନା ଅନୁଯାୟୀ ଗୁରୁବାର ରାତିରେ ଝଗଡା ପରେ ଉଭୟେ ଖାଇ ସାରି ଶୋଇଥିଲେ । ହେଲେ ହଠାତ୍ ଉଭୟଙ୍କ ବାନ୍ତି ହେବା ପରେ ଉଭୟଙ୍କ ଅବସ୍ଥା ଗୁରୁତର ହୋଇପଡିଥିଲା । ଏନେଇ ପଡୋଶୀ ଉଭୟଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ଉଭୟେ ଖାଇବା ସମୟରେ ବିଷ ପିଇଥିବା ସନ୍ଦେହ କରାଯାଉଛି ।