ଯାଜପୁର: କୋରୋନା ସଂକ୍ରମଣ ରୋକିବା ପାଇଁ ଯାଜପୁରକୁ କରାଯାଇଛି ଲକ୍ ଡାଉନ୍। ଜିଲ୍ଲାପାଳଙ୍କ ସମେତ ସମସ୍ତ ବରିଷ୍ଠ ପଦାଧିକାରୀମାନେ ବିଭିନ୍ନ ସ୍ଥାନରେ କଡା ପଦକ୍ଷେପ ନେଇଛନ୍ତି। ନିୟମ ଉଲ୍ଲଂଘନକାରୀଙ୍କୁ ଗୋଡେଇ ଗୋଡେଇ ମାରୁଛନ୍ତି ଖୋଦ୍ ଜିଲ୍ଲାପାଳ। ଜଣେ ଆକ୍ଟିଭ୍ ଆଇଏଏସ ଅଫିସର ଭାବରେ ଜିଲ୍ଲାପାଳ ରଞ୍ଜନ କୁମାର ଦାସ ଦେଖାଇଥିଲେ ନିଜର ପ୍ରଶାସନିକ ପରାକାଷ୍ଠା । ରବିବାର ଏଭଳି କିଛି ଦୃଶ୍ୟ ଯାଜପୁର ରୋଡ ଅଞ୍ଚଳରେ ଦେଖିବାକୁ ମିଳିଥିଲା।
କୋରୋନା ଲଢେଇ: ଆକ୍ସନ୍ ମୁଡ୍ରେ ଜିଲ୍ଲାପାଳ, ନିୟମ ଉଲ୍ଲଂଘନକାରୀଙ୍କୁ ଗୋଡେଇ ଗୋଡେଇ ପିଟିଲେ
ରବିବାର ଠାରୁ ପୁରୁଣା ଗ୍ରୀନ୍ ମାର୍କେଟକୁ ସିଲ୍ କରାଯାଇ ନହକା ବାଇପାସ ରୋଡରେ ଖୋଲିଛି ଅସ୍ଥାୟୀ ପରିବା ହାଟ। ତେବେ ଏହି ହାଟ ମଧ୍ୟରେ ବାଇକ୍ ପୁରାଇବା କିମ୍ବା ଅଯଥା ଗହଳି ସୃଷ୍ଟି କରିବାକୁ ବାରଣ ଥିବା ବେଳେ କିଛି ଲୋକ ଏହି ନିୟମ ମାନିନଥିଲେ। ଫଳରେ ଜିଲ୍ଲାପାଳ ଏଥିରେ ପ୍ରତିକ୍ରିୟାଶୀଳ ହୋଇ ନିୟମ ଉଲ୍ଲଂଘନକାରୀଙ୍କୁ ଏକ ଲାଠିରେ ଗୋଡେଇ ଗୋଡେଇ ପିଟିଥିଲେ। ଆଇନ ଅବମାନନା କଲେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଥିଲେ।