ଯାଜପୁର:ଟ୍ରଲିରେ ବୁହା ହେଲା ମୃତଦେହ । ଯାଜପୁରରେ ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । ଆଙ୍କୁଲା ଅଞ୍ଚଳର ଗୁରୁବାରି ମୁଣ୍ଡା ନାମକ ମହିଳାଙ୍କ ମୃତଦେହକୁ ଟ୍ରଲିରେ ଯାଜପୁର ମୁଖ୍ୟ ଡାକ୍ତରଖାନାରୁ ନିଜ ଘରକୁ ଅଣାଯିବା ଭିଜୁଆଲ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଟ୍ରଲିରେ ବୁହାହେଲା ମୃତ ଦେହ
ଗତକାଲି ଗୁରୁବାରି ହଠାତ୍ ଅସୁସ୍ଥ ହେବାରୁ ତାଙ୍କୁ ଯାଜପୁର ମୁଖ୍ୟ ଡାକ୍ତରଖାନାକୁ ନିଆଯାଇଥିଲା । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ । ପରେ ତାଙ୍କୁ ତୁରନ୍ତ ହସପିଟାଲରୁ ପଳାଇବା ପାଇଁ କୁହାଯାଇଥିଲା । ଏପରିକି ମୃତଦେହର କୌଣସି ବ୍ୟବଚ୍ଛେଦ ନକରି ଛାଡି ଦେଇଥିଲେ ଡାକ୍ତରଖାନା କର୍ତ୍ତୃପକ୍ଷ ।