ବାଇକକୁ ଧକ୍କା ଦେଲା କଣ୍ଟେନର, ଆରୋହୀ ମୃତ

୧୬ ନଂ ଜାତୀୟ ରାଜପଥର ଯାଜପୁର ଜିଲ୍ଲା ପାଣିକୋଇଲି ଥାନା ଆଖୁଆପଦା ନିକଟରେ ବାଇକକୁ ଧକ୍କା ଦେଲା କଣ୍ଟେନର । ଘଟଣାସ୍ଥଳରେ ବାଇକ୍ ଆରୋହୀ ମୃତ ।

ଯାଜପୁର:ବାଇକକୁ ଧକ୍କା ଦେଲା କଣ୍ଟେନର । ଘଟଣାସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ଏହି ଘଟଣା ଘଟିଛି ୧୬ ନଂ ଜାତୀୟ ରାଜପଥର ଯାଜପୁର ଜିଲ୍ଲା ପାଣିକୋଇଲି ଥାନା ଅନ୍ତର୍ଗତ ଷଠିପୁର ଆଖୁଆପଦା ନିକଟରେ ।

ତେବେ ମୃତଙ୍କ ପରିଚୟ ମିଳିପାରିନାହିଁ । ଦୁର୍ଘଟଣା ଘଟାଇ କଣ୍ଟେନରଟି ଫେରାର ହୋଇଯାଉଥିବା ବେଳେ ପାଣିକୋଇଲି ଟୋଲ ଗେଟ୍ ନିକଟରେ ଟ୍ରକକୁ କାବୁ କରିଛି ପୋଲିସ। ଘଟଣାକୁ ନେଇ ଉତ୍ତେଜନା ପ୍ରକାଶ ପାଇଥିବାବେଳେ ୧୬ ନଂ ଜାତୀୟ ରାଜପଥର ଉଭୟ ପାର୍ଶ୍ବରେ ଶହ ଶହ ଗାଡ଼ି ଅଟକି ରହିଛି।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ