ଯାଜପୁର: ଜିଲ୍ଲା ବିଞ୍ଝାରପୁର ଥାନା ପ୍ରିତିପୁରରେ ଥିବା ଇଣ୍ଡିଆନ ଓଭରସିଜ ବ୍ୟାଙ୍କ ଘେରାଉ । ଗ୍ରାହକମାନଙ୍କ ପକ୍ଷରୁ ଏହି ଘେରାଉ କରାଯାଇଛି । ଗ୍ରାହକମାନଙ୍କୁ ଦୁର୍ବ୍ୟବହାର କରିବା ସହ ବ୍ୟାଙ୍କ କାମରେ ଅବହେଳା ଅଭିଯୋଗରେ ଏହି ଘେରାଉ କରାଯାଇଥିବା ଜଣାପଡିଛି ।
ସୂଚନା ଅନୁଯାୟୀ ଯାଜପୁର ଜିଲ୍ଲା ବିଞ୍ଝାରପୁର ଥାନା ଅନ୍ତର୍ଗତ ପ୍ରିତିପୁରରେ ଥିବା ଇଣ୍ଡିଆନ ଓଭରସିଜ ବ୍ୟାଙ୍କରେ ଆଜି(ଗୁରୁବାର) ଜଣେ ଗ୍ରାହକଙ୍କୁ ଦୁର୍ବ୍ୟବହାର କରାଯିବାରୁ ଉପସ୍ଥିତ ଲୋକଙ୍କ ପକ୍ଷରୁ ବ୍ୟାଙ୍କ ଘେରାଉ କରାଯାଇଛି । ଏଥିସହ ବ୍ୟାଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି ଗ୍ରାହକ । ବ୍ୟାଙ୍କ ପରିଚାଳକ ଗ୍ରାହକଙ୍କୁ ଦୁର୍ବ୍ୟବାହାର, ସଞ୍ଚୟ ଖାତା ଖୋଲିବାକୁ ବିଳମ୍ବ, ଲୋନ ମିଳିବାରେ ବିଳମ୍ବ, ନିର୍ଦ୍ଦିଷ୍ଟ ରାଜନୈତିକ ଦଳର ବ୍ୟକ୍ତିଙ୍କୁ ବିସି ପ୍ରଦାନ କରିବା ଭଳି ଅଭିଯୋଗ କରିଛନ୍ତି ଗ୍ରାହକ ଏବଂ ସାଧାରଣ ଜନତା ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ