ଯାଜପୁର: ଜିଲ୍ଲାରେ ଘଟିଛି ଏକ ଚାଞ୍ଚଲ୍ୟକର ଘଟଣା । ଖଳାରୁ ମିଳିଛି ଜଣେ ଶିଶୁର କଟାମୁଣ୍ଡ । କୁକୁର କଟା ମୁଣ୍ଡଟିକୁ ଆଣି ଖାଉଥିବା ବେଳେ ଦେଖିଥିଲେ ସ୍ଥାନୀୟ ବାସିନ୍ଦା । ତେବେ ମୃତ ଶିଶୁର ପରିଚୟ ସ୍ପଷ୍ଟ ହୋଇ ପାରିନାହିଁ । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଏଭଳି ଏକ ସମ୍ବେଦନଶୀଳ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି । ନରବଳି ଦିଆଯାଇଥିବା ସନ୍ଦେହ କରାଯାଉଛି ।
ଏହା ମଧ୍ୟ ପଢ଼ନ୍ତୁ....ହୋଟେଲରୁ ଯୁବତୀଙ୍କ ମୃତଦେହ ଉଦ୍ଧାର, ଦୁଷ୍କର୍ମ ଓ ହତ୍ୟା ଅଭିଯୋଗ ଆଣିଲେ ପରିବାର
ଯାଜପୁର ଜିଲ୍ଲା ଶଙ୍ଖଚିଲା ରାଧାନଗର ଗ୍ରାମରୁ ଏକ ଶିଶୁର କଟାମୁଣ୍ଡ ଠାବ କରାଯାଇଛି । ମୃତ ଶିଶୁର ପରିଚୟ ମିଳି ପାରିନାହିଁ । ସୂଚନା ମୁତାବକ ଗତକାଲି ବିଳମ୍ବିତ ରାତିରେ ରାଧାନଗର ଗ୍ରାମର ଜଣେ ବ୍ୟକ୍ତିଙ୍କ ଖଳାରେ ଶିଶୁର କଟା ମୁଣ୍ଡ ଟିକୁ ଏକ କୁକୁର ଖାଉଥିବାର ଦେଖିଥିଲେ ଗ୍ରାମବାସୀ । ପରେ ପୋଲିସକୁ ଖବର ଦେଇଥିଲେ । ଯାଜପୁର ରୋଡ଼ ପୋଲିସ ଘଟଣା ସ୍ଥଳରେ ପହଞ୍ଚିବା ବେଳକୁ ଉକ୍ତ କଟା ମୁଣ୍ଡଟିକୁ କୁକୁର ଖାଉଥିଲା । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି କଟାମୁଣ୍ଡ ସଂଗ୍ରହ କରି ଛାନଭିନ ଆରମ୍ଭ କରିଛି ।