ଯାଜପୁରରେ ପ୍ରୋଫେଟ ମହମ୍ମଦଙ୍କ ଜୟନ୍ତୀ ପାଳିତ

ଯାଜପୁର ଜିଲ୍ଲାରେ ବିଭିନ୍ନ ସ୍ଥାନରେ ପାଳନ ହୋଇଛି ପ୍ରୋଫେଟ ମହମ୍ମଦଙ୍କ ଜନ୍ମଜୟନ୍ତୀ ବା ମିଲାଦ-ଉନ-ନବୀ ପର୍ବ । କୋଭିଡ କଟକଣାକୁ ଅନୁସରଣ କରି ଏହି ପର୍ବ ପାଳନ କରାଯାଇଛି । ଅଧିକ ପଢନ୍ତୁ...

ଯାଜପୁର: ସାରା ଦେଶରେ ଆଜି(ଶୁକ୍ରବାର) ପାଳନ ହେଉଛି ପ୍ରୋଫଟ ମହମ୍ମଦଙ୍କ ଜୟନ୍ତୀ ବା ମିଲାଦ-ଉନ-ନବୀ ପର୍ବ । ଏହି ପରିପ୍ରେକ୍ଷୀରେ ଯାଜପୁର ଜିଲ୍ଲାରେ ମଧ୍ୟ ପାଳନ ହୋଇଇଛି ମହମ୍ମଦଙ୍କ ଜୟନ୍ତୀ ।

ଜିଲ୍ଲାର ବିଂଝାରପୁର, ବ୍ରହ୍ମପରଦା, କୋରେଇ, ସୁକିନ୍ଦା, ବରୀ ଓ ବଡଚଣା ଆଦି ଅଞ୍ଚଳରେ କୋଭିଡ କଟକଣାକୁ ନଜର ରଖି ୫ ରୁ ୭ ଜଣ ମୁସଲମାନ ଭାଇ ମାନେ ପାଳିଛନ୍ତି ମହମ୍ମଦଙ୍କ ଜୟନ୍ତୀ । ସେହିପରି ବ୍ୟାସନଗର ସ୍ଥିତ ରିଜ୍ବି ଜାମା ମସଜିଦ ପରିସରରେ କୋଭିଡ କଟକଣାକୁ ଅନୁସରଣ କରି ମହମ୍ମଦଙ୍କ ଜୟନ୍ତୀ ପାଳନ ହୋଇଛି । ମୌଲବୀ ଇବ୍ରାହିମ ଓ ମସଜିଦର ସଭାପତି ସେକ ଲିଆକତଙ୍କ ତତ୍ବାବଧାନରେ ୫ ଜଣ ଶ୍ରଦ୍ଧାଳୁଙ୍କୁ ନେଇ ନମାଜ ପାଠ କରିବା ସହ ମହମ୍ମଦଙ୍କ ସମ୍ପର୍କରେ ଆଲୋଚନା କରିଥିଲେ। ଏଥିସହ ରେମାନଙ୍କ ଦ୍ବାରା ସ୍ବତନ୍ତ୍ର ନମାଜ ପାଠ ହେବା ସହିତ ମହମ୍ମଦଙ୍କୁ ସ୍ମରଣ କରାଯାଇଥିଲା।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ