ଯାଜପୁର: କାର-ବାଇକ ମୁହାଁମୁହିଁ ଧକ୍କାରେ, ବାଇକ ଆରୋହୀ ଗୁରୁତର । ଏଭଳି ଅଭାବନୀୟ ଘଟଣା ଘଟିଛି ଯାଜପୁର କୁସୁମା ରୋଡ ନିକଟରେ । ଆନ୍ଧ୍ର ପ୍ରଦେଶର ତୀର୍ଥଯାତ୍ରୀଙ୍କୁ ନେଇ ମା ବିରଜାଙ୍କ ଦର୍ଶନ ପାଇଁ ଆସୁଥିବା ଏକ କାର ସହ ଏକ ପଲସର ବାଇକର ମୁହାଁମୁହିଁ ଧକ୍କା ହୋଇଥିଲା ।
ଘଟଣାସ୍ଥଳରେ ଉଭୟ ଗାଡି ଭାଙ୍ଗି ଯାଇଥିବା ବେଳେ ବାଇକ ଆରୋହୀ ଗୁରୁତର ହୋଇଥିଲେ । ସ୍ଥାନୀୟ ଲୋକେ ବାଇକ ଆରୋହୀଙ୍କୁ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଗୁରୁତର ବାଇକ ଆରୋହୀ ହେଲେ ଯାଜପୁର ସୁଜନପୁର ଅଞ୍ଚଳର ନଳିନୀକାନ୍ତ ଜେନା । ପୋଲିସ ସେଠାରେ ପହଞ୍ଚି ଘଟଣାର ତଦନ୍ତ କରିବା ସହ ତୀର୍ଥଯାତ୍ରୀଙ୍କୁ ଅନ୍ୟ ଏକ ଗାଡିରେ ନେବାପାଇଁ ବ୍ୟବସ୍ଥା କରିଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
