ଯାଜପୁର: କୋରେଇ ଥାନା ଅନ୍ତର୍ଗତ ଆଲିଆ ଛକରେ କାର ସହ ବାଇକ ଧକ୍କାରେ ଶଶୁର ମୃତ ଜ୍ବାଇଁ ଗୁରୁତର । ଗୁରୁତର ଜଣଙ୍କୁ କଟକ ସ୍ଥାନାନ୍ତର ।
ସୂଚନାମୁତାବକ, ମୃତ ଶଶୁର ବାବୁଲି ସାମଲ ଜ୍ୱାଇଁ ନବୀନ ଯାଦବଙ୍କୁ ବାଇକ ଯୋଗେ ପାଣିକୋଇଲିକୁ ଛାଡିବାକୁ ଯାଉଥିବା ସମୟରେ ଆଲିଆ ଛକ ନିକଟରେ ବିପରୀତ ଦିଗରୁ ଆସୁଥିବା ଏକ କାର ସହିତ ଦୁର୍ଘଟଣା ଘଟିଥିଲା । ତେବେ କାରଟି ଦୁର୍ଘଟଣା ଘଟାଇ ଫେରାର ହୋଇଯାଇଥିଲା ।
କାର ସହ ବାଇକ ଧକ୍କାରେ ଶଶୁର ମୃତ ଜ୍ବାଇଁ ଗୁରୁତର ଦୁର୍ଘଟଣା ସ୍ଥଳରେ ସ୍ଥାନୀୟ ଲୋକେ ପହଞ୍ଚି ଗୁରୁତରଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଯାଜପୁର ରୋଡ ଗୋଷ୍ଠି ସ୍ବାସ୍ଥ୍ୟକେନ୍ଦ୍ରକୁ ପଠାଇଥିଲେ । ଡାକ୍ତର ଚିକିତ୍ସା ପରେ ଶଶୁର ବାବୁଲିଙ୍କୁ ମୃତ ଘୋଷଣା କରିଥିବା ବେଳେ ଗୁରୁତର ନବୀନ ଯାଦବଙ୍କୁ ଅଧିକ ଚିକିତ୍ସା ନିମନ୍ତେ କଟକ ବଡ଼ ମେଡିକାଲକୁ ପଠାଇଛନ୍ତି ।
ଦୁର୍ଘଟଣାର ଖବରପାଇ କୋରେଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଦୁର୍ଘଟଣା ସମ୍ପର୍କରେ ତଦନ୍ତ ଜାରି ରଖିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
