ଯାଜପୁର: ଜିଲ୍ଲାରେ ଦିନକୁ ଦିନ ବିଗିଡିବାରେ ଲାଗିଛି କୋରୋନାର ସ୍ଥିତି । ବିଗୁଡୁଥିବା ଏହି ସ୍ଥିତିକୁ ନେଇ ନାକେଦମ ଜିଲ୍ଲା ପ୍ରଶାସନ । ବିଶେଷ କରି ରାଜ୍ୟ ବାହାରୁ ଆସୁଥିବା ପ୍ରବାସୀ ଜିଲ୍ଲାବାସୀଙ୍କ ଚିନ୍ତା ବଢାଇ ଦେଇଛି । ସେପଟେ ଜିଲ୍ଲାର କୋରୋନାର ଅସମ୍ଭାଳ ସ୍ଥିତିକୁ ଦୃଷ୍ଟିରେ ଯାଜପୁର ଟାଉନରୁ ରାଉରକେଲା ଓ କୋଲକାତାକୁ ଯାତାୟତ କରୁଥିବା ବସ ଉପରେ କଟକଣା ଜାରି କରିଛି ପ୍ରଶାସନ ।
ଅନିର୍ଦ୍ଦିଷ୍ଟ କାଳ ପାଇଁ ଉଭୟ ରୁଟରେ ଯାଉଥିବା ବସକୁ ବନ୍ଦ କରାଯାଇଛି । ସାମାନ୍ୟ ଅବସ୍ଥା ଆସିଲେ ଯାହା କିଛି ଚିନ୍ତା କରାଯିବ ବୋଲି ପ୍ରଶାସନିକ ସୂତ୍ରରୁ ଜଣାପଡିଛି । ଅପରପକ୍ଷେ ବସ ବ୍ୟବସାୟ ଉପରେ ନିର୍ଭର କରୁଥିବା ଲୋକେ ପ୍ରଶାସନର ଏଭଳି ନିଷ୍ପତ୍ତିରେ ପ୍ରଭାବିତ ହୋଇଛନ୍ତି ।
କୋରୋନା ପାଇଁ ଯାଜପୁରରୁ ବନ୍ଦ ହେଲା ରାଉରକେଲା ଓ କୋଲକାତାକୁ ବସ ସେବା