ଯାଜପୁର: ଭାଉଜକୁ ହତ୍ୟା ଘଟଣାରେ ଦିଅରକୁ ଆଜୀବନ ଜେଲ ଦଣ୍ଡ ଦଣ୍ଡିତ କଲେ ନ୍ୟାୟାଳୟ। ଯାଜପୁର ଜିଲ୍ଲା ମଙ୍ଗଳପୁର ଥାନା ଈଶ୍ବରପୁର ଗାଁରେ ହୋଇଥିବା ଏକ ହତ୍ୟାକାଣ୍ଡ ଶୁଣାଣି କରି ଏଭଲି ଦଣ୍ଡାଦେଶ ଶୁଣାଇଛନ୍ତି ଯାଜପୁର ଜିଲା ଦୌରାଜଜ। 2018 ମସିହାରେ ଏହି ହତ୍ୟାକାଣ୍ଡ ହୋଇଥିଲା। ଏହି ଘଟଣାରେ ମୃତକଙ୍କ ଦିଅରକୁ ଗିରଫ କରିଥିଲା ଯାଜପୁର ମଙ୍ଗଳପୁର ଥାନା ପୋଲିସ।
ଭାଉଜକୁ ହତ୍ୟା କରିବା ଅଭିଯୋଗରେ ଦିଅରକୁ ଆଜୀବନ ଜେଲ
ସୂଚନା ଅନୁଯାୟୀ 2018 ମସିହା ମେ ମାସ 31 ତାରିଖରେ ଏହି ଜଘନ୍ୟ ହତ୍ୟାକାଣ୍ଡ ଘଟିଥିଲା। ଈଶ୍ବରପୁର ଗାଁ ଚିତ୍ତରଞ୍ଜନ ତ୍ରିପାଠୀଙ୍କ ପରିବାରରେ ବହୁଦିନ ଧରି ପାରିବାରିକ କଳହ ଲାଗି ରହିଥିଲା। ଏହାକୁ କେନ୍ଦ୍ର କରି ଘରେ କେହି ନଥିବା ବେଳେ ଚିତ୍ତରଞ୍ଜନ ନିଜ ଭାଉଜ ମଧୁସ୍ମିତା ମିଶ୍ରଙ୍କୁ ଏକ କୁରାଢ଼ୀରେ ହାଣି ହତ୍ୟା କରିଥିଲା।