ଯାଜପୁର: ସୁକିନ୍ଦା ଅଞ୍ଚଳରେ ଥିବା ବର୍ଜ୍ୟବସ୍ତୁ ପରିଚାଳନା କାରଖାନା ରାମକୀକୁ ନେଇ ଦେଖାଦେଇଛି ବିବାଦ। କାରଖାନା କର୍ତ୍ତୃପକ୍ଷଙ୍କ ମନମୁଖୀ କାର୍ଯ୍ୟକୁ ବିରୋଧ କରିବା ସହ ୭ ଦଫା ଦାବିରେ ଆନ୍ଦୋଳନକୁ ଓହ୍ଲାଇଛି ବିଜେପି । ରାମକୀ କାରଖାନା ପ୍ରତିଷ୍ଠା ସମୟରେ କର୍ତ୍ତୃପକ୍ଷ ଦେଇଥିବା ପ୍ରତିଶ୍ରୁତି ପାଳନ କରାଯାଇ ନଥିବା ଅଭିଯୋଗ ହୋଇଛି।
ରାମକୀ କାରଖାନାର ମନମୁଖୀ କାର୍ଯ୍ୟକୁ ବିରୋଧ, ଆନ୍ଦୋଳନରେ ବିଜେପି
ପାରିପାର୍ଶ୍ୱିକ ଉନ୍ନତି କରିବାରେ କାରଖାନା କର୍ତ୍ତୃପକ୍ଷ ଅବହେଳା କରିଥିବାବେଳେ ସ୍ଥାନୀୟ ନିଯୁକ୍ତିକୁ ଭୁଲି ଯାଇଛନ୍ତି । ସେହିପରି କାରଖାନାରୁ ନିର୍ଗତ ପ୍ରଦୂଷଣ ଯୋଗୁଁ ସ୍ଥାନୀୟ ଲୋକେ ଅସ୍ତବ୍ୟସ୍ତ ହୋଇ ପଡିଲେଣି । ପ୍ରଦୂଷଣ ଯୋଗୁଁ ଲୋକେ ଅନେକ ରୋଗର ଶିକାର ହେଉଛନ୍ତି ତେଣୁ ଏସବୁ ଦିଗରେ ସ୍ଥାନୀୟ ଲୋକେ ବାରମ୍ବାର କାରଖାନା କର୍ତ୍ତୃପକ୍ଷ ଓ ପ୍ରଶାସନର ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ମିଳି ନାହିଁ।