ଯାଜପୁର :ଜିଲ୍ଲା ସୁକିନ୍ଦା ବ୍ଲକ ଅନ୍ତର୍ଗତ ଚିଙ୍ଗୁଡ଼ିପାଳ ପଞ୍ଚାୟତର ବହୁଚର୍ଚ୍ଚିତ ନଗଡା ଗସ୍ତରେ ଆସିଛନ୍ତି ବିଜେପି ମହିଳା ମୋର୍ଚ୍ଚାର ଟିମ। ଆଜିବି ନଗଡାରେ ଶିଶୁମାନେ ଅପପୃଷ୍ଟିର ଶିକାର ହେଉଥିବା କହିଛି ଟିମ । 2016 ମସିହାରେ ଅପପୁଷ୍ଟିର ଶିକାର ହୋଇ ଏକାବେଳକେ 19ଜଣ ଶିଶୁ ମୃତ୍ୟୁବରଣ କରିଥିଲେ ।
ନଗଡାରେ ସ୍ଥିତି ପରିଖିଲେ ବିଜେପି ମହିଳା ଟିମ
ନଗଡା ପାଇଁ କେନ୍ଦ୍ର ସରକାର କୋଟି କୋଟି ଟଙ୍କା ଅନୁଦାନ ଦେଇଛନ୍ତି। ହେଲେ ସେହି ନଗଡାର ଚିତ୍ର ଏବେବି ବଦଳିପାରୁ ନଥିବା ବିଜେପି ଅଭିଯୋଗ କରିଛି । ଛୋଟପିଲା ଓ ମହିଳାମାନେ ଏବେ ବି କଷ୍ଟରେ ଜୀବନ ବିତାଉଛନ୍ତି । ଏହି ଟିମ ନଗଡା ବୁଲି ଦେଖିବା ସହ ସମସ୍ତ ନଗଡାବାସୀଙ୍କୁ ସେମାନଙ୍କ ସମସ୍ୟା ସମ୍ପର୍କରେ ପଚାରି ବୁଝିଥିଲେ । ଡକ୍ଟର ଐଶ୍ଵର୍ଯ୍ୟା ବିଶ୍ଵାଳ ସୁକିନ୍ଦାରେ ଏକ ସାମ୍ବାଦିକ ସମ୍ମିଳନୀରେ ଗଣମାଧ୍ୟମ ଆଗରେ ନିଜର ପ୍ରତିକ୍ରିୟା ରଖିଥିଲେ ।