ଅଣଦେଖା ଅଭିଯୋଗ କରି ଦଳ ଛାଡିଲେ ଯାଜପୁର ବିଜେପି ଜିଲ୍ଲା ପରିଷଦ ସଭ୍ୟ

ବିଜେପିରୁ ଜିଲ୍ଲା ପରିଷଦ ସଭ୍ୟଙ୍କ ଇସ୍ତଫା । ଦଳରେ ଉଚିତ ଗୁରୁତ୍ବ ନମିଳିବା ଅଭିଯୋଗ କରି ନିଷ୍ପତ୍ତି ନେଇଥିବା ଦେଲେ ସୂଚନା । ଅଧିକ ପଢନ୍ତୁ...

ଯାଜପୁର: ବିଜେପିରୁ ଜିଲ୍ଲା ପରିଷଦ ସଭ୍ୟଙ୍କ ଇସ୍ତଫା । ଯାଜପୁର ଜିଲ୍ଲା ୩୪ ନଂ ଜୋନ୍ ଜିଲ୍ଲା ପରିଷଦ ସଭ୍ୟ ରଶ୍ମିରଞ୍ଜନ ନାୟକ ଭାରତୀୟ ଜନତା ପାର୍ଟିର ପ୍ରାଥମିକ ସଦସ୍ୟ ପଦରୁ ଆଜି ଇସ୍ତଫା ଦେଇଛନ୍ତି । ତାଙ୍କୁ ଦଳରେ ଅଣଦେଖା କରାଯାଇଥିବା ଅଭିଯୋଗ କରି ସେ ଏପରି ନିଷ୍ପତ୍ତି ନେଇଥିବା ଗଣମାଧ୍ୟମକୁ କହିଛନ୍ତି ।

ରଶ୍ମିରଞ୍ଜନ ଦଳର ଜଣେ ଶୃଙ୍ଖଳିତ ସଦସ୍ୟ ଭାବରେ କାର୍ଯ୍ୟ କରୁଥିବାବେଳେ ଦଳୀୟ ନେତୃବୃନ୍ଦ ତାଙ୍କୁ ଅଣଦେଖା କରିଛନ୍ତି । ଏମିତିକି ଦଳୀୟ କାର୍ଯ୍ୟକ୍ରମ ଓ ବୈଠକକୁ ତାଙ୍କୁ ଡକାଯାଏ ନାହିଁ । ଫଳରେ ବାଧ୍ୟହୋଇ ଆଜି ସେ ଭାରତୀୟ ଜନତା ପାର୍ଟିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିବା କହିଛନ୍ତି ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ