ଯାଜପୁର: ବ୍ୟାସନଗରରେ ପୌର ପରିଷଦରେ ନର୍ବାହୀ ଅଧିକାରୀଙ୍କ ଉପରକୁ ଫାଇଲ ଫୋପାଡ଼ିବା ଘଟଣାକୁ ନେଇ ଟାର୍ଗେଟ୍ କରିଛି ବିଜେପି । ଏହାକୁ ନେଇ ବିଜେପି ଥାନାରେ ଏତଲା ଦେଇଥିବା ବେଳେ ପୌରାଧ୍ୟକ୍ଷାଙ୍କୁ ଗିରଫ କରିବାକୁ ଦାବି ହୋଇଛି । ତାହା ନହେଲେ ଆନ୍ଦୋଳନକୁ ଓହ୍ଲାଇବାକୁ ଧମକ ଦେଇଛି ବିଜେପି (throwing file on executive officer) ।
ନିର୍ବାହୀ ଅଧିକାରୀଙ୍କ ଉପରକୁ ଫାଇଲ ଫୋପାଡ଼ିବା ଘଟଣା: ପୌରାଧ୍ୟକ୍ଷାଙ୍କ ଗିରଫ ଦାବି କଲା ବିଜେପି ସେପଟେ ଦୁର୍ବବ୍ୟହାରର ଶିକାର ହୋଇଥିବା ନିର୍ବାହୀ ଅଧିକାରୀ ମଧ୍ୟ ଥାନାରେ ପୌରାଧ୍ୟକ୍ଷାଙ୍କ ବିରୋଧରେ ଅଭିଯୋଗ କରିଛନ୍ତି । ପୌରାଧ୍ୟକ୍ଷାଙ୍କ ଏଭଳି ଆଚରଣକୁ ବିଭିନ୍ନ ମହଲରେ ନିନ୍ଦା କରାଯାଇଛି । ଏହାକୁ ନେଇ ଯାଜପୁରରେ ରାଜନୀତି ଆରମ୍ଭ ହୋଇଯାଇଛି ।
ଆଜି (ଗୁରୁବାର) ବିଜେପି ପକ୍ଷରୁ ତୁରନ୍ତ ପୌରାଧକ୍ଷାଙ୍କୁ ଗିରଫ କରିବା ସହ ବହିଷ୍କାର ପାଇଁ କଳିଙ୍ଗନଗର ଅତିରିକ୍ତ ଜିଲ୍ଲାପାଳଙ୍କୁ ଦାବିପତ୍ର ଦିଆଯାଇଛି । ତୁରନ୍ତ ପୌରାଧକ୍ଷାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନହେଲେ ଆନ୍ଦୋଳନକୁ ଓଲ୍ଲାଇବାକୁ ଚେତାବନୀ ଦେଇଛି ବିଜେପି । ପିସି କାରବାରରେ ବାଧା ହେବାରୁ ଏଭଳି ଘଟଣା ଘଟିଥିବା ଅଭିଯୋଗ କରିଛି ବିଜେପି ।
ଏହା ବି ପଢ଼ନ୍ତୁନିର୍ବାହୀଙ୍କ ଅଧିକାରୀଙ୍କ ଉପରକୁ ଫାଇଲ ଫିଙ୍ଗିବା ଘଟଣା, ପୌରାଧ୍ୟକ୍ଷାଙ୍କ ନାଁରେ ଏତଲା
ସେପଟେ ନିଜ ଭୁଲ୍କୁ ସ୍ବୀକାର କରିଛନ୍ତି ବ୍ୟାସନଗର ପୌର ପରିଷଦ ଅଧ୍ୟକ୍ଷା ସଙ୍ଗୀତା ପିଙ୍ଗୁଆ । ଅନ୍ୟପକ୍ଷରେ ସରକାରଙ୍କୁ ନ୍ୟାୟ ପାଇଁ ନିବେଦନ କରିଛନ୍ତି ପୌର ଅଧିକାରୀ । ସେ କହିଛନ୍ତି ପୌରାଧ୍ୟକ୍ଷା ଫାଇଲ ଫୋପାଡିବା ଘଟଣା ଗଣମାଧ୍ୟମରେ ପ୍ରସାରିତ ହେବା ପରେ ସେ ମାନସିକ ସ୍ତରରେ ଭାଙ୍ଗି ପଡିଛନ୍ତି । ସେ ନ୍ୟାୟ ପାଇଁ ଥାନାର ଦ୍ବାରସ୍ଥ ହୋଇଛନ୍ତି । ସେପଟେ ପୌରାଧ୍ୟକ୍ଷା ନିଜ ଦୋଷକୁ ସ୍ବୀକାର କରିବା ସହ ଆଗାମୀ ଦିନରେ କିଭଳି ସହରର ବିକାଶ ହେବ ସେନେଇ କାର୍ଯ୍ୟ କରିବେ ବୋଲି କହିଛନ୍ତି । ଏବେ ପୌରାଧ୍ୟକ୍ଷାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ହେଉଛି କି ନାହିଁ ତାହା ଦେଖିବା ବାକି ରହିଲା ।
