ପୌର ଫାଇଟ: ବ୍ୟାସନଗରରେ ୧୨ ବିଜେଡି କାଉନସିଲର ପ୍ରାର୍ଥୀଙ୍କ ନାମାଙ୍କନ ଦାଖଲ

ବ୍ୟାସନଗର ପୌରପରିଷଦର ବିଭିନ୍ନ ୱାର୍ଡ ପାଇଁ ୧୨ ଜଣ ବିଜେଡି କାଉନସିଲର ପ୍ରାର୍ଥୀ ନାମାଙ୍କନପତ୍ର ଦାଖଲ କରିଛନ୍ତି । ଅଧିକ ପଢ଼ନ୍ତୁ

ଯାଜପୁର:ଆଜି(ରବିବାର) ଥିଲା ନାମାଙ୍କନ ଦାଖଲ ପଞ୍ଚମ ଦିନ । ପଞ୍ଚମ ଦିନରେ ବ୍ୟାସନଗର ପୌରପରିଷଦର ବିଭିନ୍ନ ୱାର୍ଡ ପାଇଁ ୧୨ ଜଣ ବିଜେଡି କାଉନସିଲର ପ୍ରାର୍ଥୀ ନାମାଙ୍କନପତ୍ର ଦାଖଲ କରିଛନ୍ତି । ଆସନ୍ତାକାଲି(ସୋମବାର) ପୋୖର ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ କରିବାର ଶେଷ ଦିନ । ବ୍ୟାସନଗର ପୌର ପରିଷଦର ୨୬ଟି ୱାର୍ଡରୁ ପାଖପାଖି ୧୨ ୱାର୍ଡର ବିଜେଡି ପ୍ରାର୍ଥୀମାନେ ବିରାଟ ଶୋଭାଯାତ୍ରାରେ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ । ସେଠାରେ ନିଜନିଜର ନାମାଙ୍କନପତ୍ର ଦାଖଲ କରିଛନ୍ତି ବିଜେଡି ପ୍ରାର୍ଥୀ ।

କେନ୍ଦ୍ରର ସରକାରଙ୍କ ଅପାରଗତା, ଦୁର୍ନୀତି, ଭ୍ରଷ୍ଟାଚାର ଓ ଦରଦାମ ଆଦି ପ୍ରସଙ୍ଗକୁ ବିଜେଡି ପ୍ରାର୍ଥୀ ଲୋକଙ୍କ ନିକଟରେ ପହଞ୍ଚିବେ । ବିଜେଡି ବିପୁଳ ପରିମାଣରେ ଭୋଟ ପାଇ ବ୍ୟାସନଗର ପୋୖରପରିଷଦ ଦଖଲ କରିବ ବୋଲି ଜିଲ୍ଲା ବିଜେଡି ମହିଳା ସଭାନେତ୍ରୀ ସବିତା ରାଉତ ଦୃଢ଼ୋକ୍ତି ଦେଇଛନ୍ତି । ମାର୍ଚ୍ଚ ୨୪ ତାରିଖରେ ପୌର ନିର୍ବାଚନ ହେବ । ଏହାପୂର୍ବରୁ ବିଜେଡି ରଣନୀତି ପ୍ରସ୍ତୁତ କରିଛି ।

ଯାଜପୁରରୁ ଜ୍ଞାନ ରଞ୍ଜନ ଓଝା,ଇଟିଭି ଭାରତ