PDS ଚାଉଳ ବିକ୍ରି ଭିଡିଓ ଭାଇରାଲ ପରେ ବିଞ୍ଝାରପୁର ଡିଲର ସଙ୍ଘର ସଫେଇ

ପିଡିଏସ ଚାଉଳ ବିକ୍ରି ଭିଡିଓ ଭାଇରାଲ ହେବା ପରେ କୌଣସି ଚାଉଳ ବିକ୍ରି କରୁନଥିଲେ ବରଂ ହିତାଧିକାରୀଙ୍କୁ ଚାଉଳ ବଣ୍ଟନ କରୁଥିଲେ ବୋଲି ସଫେଇ ଦେଇଛନ୍ତି ବିଞ୍ଝାରପୁର ଡିଲର ସଙ୍ଘ ଓ ବିତନା ସରପଞ୍ଚ । ଅଧିକ ପଢନ୍ତୁ

ଯାଜପୁର: PDS ଚାଉଳ ବିକ୍ରି ଭିଡିଓ ଭାଇରାଲ ହେବା ପରେ ପ୍ରତିକ୍ରିୟା ରଖିଛନ୍ତି ବିଞ୍ଝାରପୁର ଡିଲର ସଙ୍ଘ ଓ ବିତନା ସରପଞ୍ଚ । ଯାଜପୁର ଜିଲ୍ଲା ବିଞ୍ଝାରପୁର ବ୍ଲକ ବିତନା ପଞ୍ଚାୟତ ଖଣ୍ଡାହତା ଗ୍ରାମର ଡିଲର ଶ୍ରୀନିବାସ ମିଶ୍ର ରାତିଅଧିଆ ଚାଉଳ ବିକ୍ରି କରିବା ନେଇ ଭିଡିଓ ଭାଇରାଲ ହୋଇଥିଲା । ତେବେ ଘଟଣା ଦିନ ଡିଲର କୌଣସି ଚାଉଳ ବିକ୍ରି କରୁନଥିଲେ ବରଂ ହିତାଧିକାରୀଙ୍କୁ ଚାଉଳ ବଣ୍ଟନ କରିଥିଲେ ବୋଲି ସଙ୍ଘ ପକ୍ଷରୁ ସଫେଇ ଦିଆଯାଇଛି ।

ଏଥିସହ ଡିଲରଙ୍କ ବିରୋଧରେ ଆସିଥିବା ସମସ୍ତ ଅଭିଯୋଗ ମିଥ୍ୟା ବୋଲି କୁହାଯାଇଛି । ଏପଟେ ଏହି ଭିଡିଓ ଖୁବ ଭାଇରାଲ ହେବାରେ ଲାଗିଛି । ସୂଚନା ଅନୁସାରେ, ୩ଦିନ ତଳେ ସମ୍ପୃକ୍ତ ଡିଲର ରାତିରେ ଚାଉଳ ବିକ୍ରି କରୁଥିବା ନେଇ ଏକ ଭିଡିଓ ଭାଇରାଲ ହୋଇଥିଲା । ପରେ ସ୍ଥାନୀୟ ଜଣେ ଯୁବକ ବିଞ୍ଝାରପୁର ଥାନାରେ ଲିଖିତ ଅଭିଯୋଗ କରିଥିଲେ ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ