ଯାଜପୁର: ଦିନକୁ ଦିନ ବଢିବାରେ ଲାଗିଛି ଗୈମାଂସ ଚାଲାଣ । କିଛି ହୋଟେଲ ଏଭଳି ଜଘନ୍ୟ ଅପରାଧ କରୁଥିବା ବେଳେ ରାଜ୍ୟ ବାହାରକୁ ମଧ୍ୟ ଚାଲାଣ ହେଉଥିବା ଜାଣିବାକୁ ମିଳିଛି । ତେବେ ଯାଜପୁର ରୋଡ ଥାନା ରୟାଲ କଳିଙ୍ଗ ହୋଟେଲ ନିକଟରେ ସାଇକେଲରେ ଗୋମାଂସ ନେଇ ଯାଉଥିବା ଏକ ବୃଦ୍ଧକୁ ବଜରଙ୍ଗ ଦଳ ଅଟକାଇବା ସହ ତାକୁ ପୋଲିସ ଜିମା ଦେଇଛନ୍ତି।
ସୂଚନା ମୁତାବକ ଆଜି(ରବିବାର) ସକାଳୁ କୋରେଇ ଅଞ୍ଚଳର କଂସେଇ ସାହିର ଜଣେ ବ୍ୟକ୍ତି ଏକ ସାଇକେଲରେ ବସ୍ତା ଲୋଡ଼ କରି ନେଇକି ଯାଉଥିଲା। ଯାହାକୁ ବ୍ୟାସନଗର ବଜରଙ୍ଗ ଦଳ ସଦସ୍ୟମାନେ ବସ୍ତାରେ କଣ ନେଇକି ଯାଉଛି ବୋଲି ସନ୍ଦେହରେ ଅଟକାଇଥିଲେ। ପରବର୍ତ୍ତୀ ଅବସ୍ଥାରେ ସେହି ବସ୍ତାରେ ୫୦ କେଜିରୁ ଉର୍ଦ୍ଧ୍ବ ଗୋମାଂସ ଥିବା ବଜରଙ୍ଗ ଦଳର କର୍ମକର୍ତ୍ତା ଦେଖିବାକୁ ପାଇଥିଲେ। ଏଥିସହିତ ଗୋମାଂସ ନେଇ ଯାଉଥିବା ବୃଦ୍ଧଙ୍କୁ ଅଟକାଇ ବ୍ୟାସନଗର ବଜରଙ୍ଗ ଦଳ ସଂଯୋଜକଙ୍କୁ ଖବର ଦେଇଥିଲେ। ଶ୍ରୀ ମଲ୍ଲିକ ଖବର ପାଇ ତୁରନ୍ତ ଘଟଣା ସ୍ଥଳରେ ପହଞ୍ଚି ଗୋମାଂସ ନେଇ ଯାଉଥିବା ବୃଦ୍ଧଙ୍କୁ ଯାଜପୁର ରୋଡ ପୋଲିସର ଜିମା ଦେଇଥିଲେ। ତେବେ ଗିରଫ ବୃଦ୍ଧ ଜଣକ କୋରେଇ ଥାନା କଂସେଇସାହିର ଏସକେ ଗାନ୍ଧୀ ବୋଲି ଜଣାପଡିଛି।