ଯାଜପୁର: ବିଧାନସଭା ନିର୍ବାଚନ ପାଇଁ ଗତ କିଛିଦିନ ଧରି ରାଜଧାନୀର ସବୁଦଳର କାର୍ଯ୍ୟାଳୟରେ ଟିକେଟ୍ କସରତ ଚାଲିଥିଲା । ଏବେ ପ୍ରାୟ ଟିକେଟ୍ କସରତ ସରିବା ପରେ ଟିକେଟ୍ ପାଇଥିବା ପ୍ରୀର୍ଥୀ ନିର୍ବାଚନ ମଣ୍ଡଳୀ ମୁହାଁ ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ରାଜନୈତିକ ଜୀବନରେ ପ୍ରଥମ ଥର ନିର୍ବାଚନ ଲଢିବା ପାଇଁ ସୁଯୋଗ ପାଇଥିବା ବିଜେଡି ନେତା ତଥା କୋରେଇ ବିଧାନସଭା ପ୍ରାର୍ଥୀ ଅଶୋକ ବଳ ପ୍ରାର୍ଥୀ ଘୋଷିତ ହେବାପରେ ପ୍ରଥମ ଥର ବ୍ୟାସନଗର ସହରରେ ପହଞ୍ଚିଥିଲେ । ଅଶୋକ ବଳ ଦୀର୍ଘ ଦିନ ଧରି ବିଜେଡି ରାଜନୀତିରେ ଅଛନ୍ତି । ସେ 2007 ମସିହାରେ ପ୍ରଥମ ଥର ଯାଜପୁର ଜିଲ୍ଲା ଜିଲ୍ଲାପରିଷଦ ଉପାଧ୍ୟକ୍ଷ ହୋଇଥିଲେ । ଅନେକ ଦିନ ଧରି ବିଜେଡି ରାଜନୀତିରେ ରହିବାପରେ ଗତ 2017 ମସିହାରେ ବିଜେପିରେ ଯୋଗଦେଇଥିଲେ । କିନ୍ତୁ କିଛିଦିନ ପରେ ପୁଣି ବିଜେଡିକୁ ଫେରି ଆସି ଆନନ୍ଦପୁର ନିର୍ବାଚନ ମଣ୍ଡଳୀର ପର୍ଯ୍ୟବେକ୍ଷକ ଦାୟିତ୍ଵ ତୁଲାଇଥିଲେ ।