ଯାଜପୁର: ପଥର କାରିଗରଙ୍କୁ ମିଳୁନାହିଁ କଞ୍ଚାମାଲ । ଏନେଇ ଆଜି (ଶନିବାର) ଯାଜପୁର ଜିଲ୍ଲାପାଳଙ୍କ ଦ୍ବାରସ୍ତ ହୋଇଛନ୍ତି ଓଡିଶା ଶିଳ୍ପୀ ମହାସଂଘ । ଯାଜପୁର ଜିଲ୍ଲା ବଡଚଣା ବ୍ଲକର ପଥର କାରିଗର ମାନଙ୍କୁ କଞ୍ଚାମାଲ ମିଳୁନଥିବା ଅଭିଯୋଗ କରିଛନ୍ତି ।
ବଡଚଣା ବ୍ଲକ ଶୁଖୁଆପଡା ଅଞ୍ଚଳର ପଥର କାରିଗର ମାନଙ୍କୁ କଞ୍ଚାମାଲ ମିଳୁନଥିବା ବେଳେ ସ୍ଥାନୀୟ ପୋଲିସ ସେମାନଙ୍କୁ ବିଭିନ୍ନ ସମୟରେ ହଇରାଣ ହରକତ କରୁଥିବା ଅଭିଯୋଗ ହୋଇଛି । ଏ ନେଇ ଆଜି ଓଡିଶା ଶିଳ୍ପୀ ମହାସଂଘ ପକ୍ଷରୁ ଏକ ଦାବୀ ପତ୍ର ଯାଜପୁର ଅତିରିକ୍ତ ଜିଲାପାଳଙ୍କୁ ପ୍ରଦାନ କରାଯାଇଛି । ସ୍ଥାନୀୟ ପୋଲିସ କଞ୍ଚାମାଲକୁ ଜବତ କରିବା ସହିତ କର୍ମଚାରୀଙ୍କୁ ହଇରାଣ ହରକତ କରୁଥିବା ଅଭିଯୋଗ ହୋଇଛି । ତୁରନ୍ତ ଏ ଦିଗରେ ପଦକ୍ଷେପ ଗ୍ରହଣ କରିବାକୁ ଦାବି କରାଯାଇଛି।
ଯାଜପୁରରୁ ଜ୍ଞାନରଞ୍ଜନ ଓଝା,ଇଟିଭି ଭାରତ
