ଯାଜପୁର:ପୂର୍ବ ଶତ୍ରୁତାରୁ ତୁମୁଳ କାଣ୍ଡ । ଘରେ ପଶି ଯୁବକଙ୍କ ପରିବାର ଉପରେ ସଙ୍ଘବଦ୍ଧ ଆକ୍ରମଣ । ଏଭଳି ଘଟଣା ଘଟିଛି ଜିଲ୍ଲାର ଅଣ୍ଟିଆ ଗାଁରେ । ଅଭିଯୋଗର ୩ଦିନ ପରେବି କୌଣସି କାର୍ଯ୍ୟନୁଷ୍ଠାନ ଗ୍ରହଣ କରାନଯିବାରୁ ପାଣିକୋଇଲି ସ୍ଥିତ ଏସପିଙ୍କ ଦ୍ୱାରସ୍ଥ ହେଲେ ଜୈନିକ ପରିବାର ।
ପୂର୍ବ ଶତ୍ରୁତାକୁ ନେଇ ସଙ୍ଘବଦ୍ଧ ଆକ୍ରମଣ , ନ୍ୟାୟ ପାଇଁ ଏସପିଙ୍କ ଦ୍ୱାରସ୍ଥ ହେଲେ ପରିବାର
ମିଳିଥିବା ସୂଚନା ଅନୁଯାୟୀ ଗତ ୧୪ ତାରିଖ ଦିନ ଗ୍ରାମର ପ୍ରଶାନ୍ତ ନିଜର କାମ ସାରି ଘରକୁ ଫେରିଥିବା ବେଳେ ସେହି ଗାଁରେ ବଳିଆ ଜେନା ତାଙ୍କୁ କମେଣ୍ଟ ମାରିଥିଲେ। ଏହାକୁ ନେଇ ଦୁଇଜଣଙ୍କ ମଧ୍ୟରେ ପାଟିତୁଣ୍ଡ ଆରମ୍ଭ ହୋଇଥିଲା । ଏଥିରେ ବଳିଆ ରାଗି ଯାଇ ତାଙ୍କର କିଛି ସାଥୀଙ୍କ ସହ ମାରଣାସ୍ତ୍ର ଧରି ପ୍ରଶାନ୍ତଙ୍କ ଘରେ ସଙ୍ଘବଦ୍ଧ ଆକ୍ରମଣ କରିଥିଲେ । ଏଥିରେ ପ୍ରଶାନ୍ତ ସହିତ ତାଙ୍କ ଭଉଣୀ,ମା ଓ ଭାଉଜ ଆହତ ହୋଇଥିଲେ ।