ଯାଜପୁର: ଜିଲ୍ଲାର ପାଣିକୋଇଲି ଥାନା ଅନ୍ତର୍ଗତ ଏସପି ଅଫିସ ନିକଟରେ ସୋମବାର ବିଳମ୍ବିତ ରାତିରେ ଏକ ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ ହୋଇଛି । ଘଟଣାସ୍ଥଳରେ ଆମ୍ବୁଲାନ୍ସ ଚାଳକଙ୍କ ମୃତ୍ୟୁ ଘଟିଥିବାବେଳେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
କୋଲକାତାରୁ ଆସିଥିବା ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ, ଚାଳକ ମୃତ
ଏହି ଆମ୍ବୁଲାନ୍ସଟି ସୋମବାର ବିଳମ୍ବିତ ରାତ୍ରିରେ କୋଲକାତା ମେଦିନାପୁରରୁ ଭୁବନେଶ୍ବର କଳିଙ୍ଗ ହସପିଟାଲକୁ ରୋଗୀ ନେଇ ଆସୁଥିବାବେଳେ ଦୁର୍ଘଟଣାଗ୍ରସ୍ତ ହୋଇଥିଲା । ପାଣିକୋଇଲି ଏସପି ଅଫିସ ନିକଟରେ ସାମ୍ନାରେ ଯାଉଥିବା ଏକ ଟ୍ରକକୁ ବାମପଟେ ଓଭରଟେକ କରିବା ସମୟରେ ଭାରସାମ୍ୟ ହରାଇ ଆମ୍ବୁଲାନ୍ସଟି ଖୁବ ଜୋରରେ ଟ୍ରକ ସହ ପଛପଟୁ ଧକ୍କା ହୋଇଥିଲା। ଯାହା ଫଳରେ ଘଟଣାସ୍ଥଳରେ ଡ୍ରାଇଭରଙ୍କର ମୃତ୍ୟୁ ହୋଇଥିଲା ।