ଯାଜପୁର: ନିଯୁକ୍ତି ମେଳା ନାଁରେ ପ୍ରଶାସନର ପ୍ରହସନ। ଯାଜପୁର କୋରେଇ ବ୍ଲକ ଅନ୍ତର୍ଗତ ମା’ ତାରିଣୀ ମହାବିଦ୍ୟାଳୟରେ ଆୟୋଜିତ ନିଯୁକ୍ତି ମେଳାରେ ଶିଳ୍ପାଞ୍ଚଳର ଅଧିକାରୀମାନେ ଯୋଗ ଦେଇନଥିବାରୁ ଦେଖାଦେଇଛି ଅସନ୍ତୋଷ । କଳିଙ୍ଗ ନଗର ଶିଳ୍ପାଞ୍ଚଳର ସମସ୍ତ କାରଖାନା ଅଧିକାରୀଙ୍କୁ ଯୋଗ ଦେବାକୁ ନିର୍ଦ୍ଦେଶ ଦେଇଥିଲେ ଜିଲ୍ଲାପାଳ । ହେଲେ କିଛି ଏଜେଣ୍ଟ ଏଥିରେ ଯୋଗ ଦେଇ ଆଶାୟୀ ପ୍ରାର୍ଥୀଙ୍କ ସାର୍ଟିଫିକେଟ ନକଲ ଧରି ଚାଲିଯାଇଥିବା ଅଭିଯୋଗ ହୋଇଛି ।
ନିଯୁକ୍ତି ମେଳା ନାଁରେ ପ୍ରଶାସନର ପ୍ରହସନ ଅଭିଯୋଗ
ଏହାସହ ସ୍ଥାନୀୟ ବେକାରୀ ଯୁବକ ଯୁବତୀଙ୍କୁ ନିଯୁକ୍ତ ଦିଆନଯାଇ, ବାହାର ଲୋକଙ୍କୁ ଥଇଥାନ କରାଯାଉଛି । ଫଳରେ ଏଠାକାର ପିଲା ଚାକିରୀ ନ ପାଇ ରାଜ୍ୟ ବାହାରକୁ ଚାଲିଯାଉଛନ୍ତି । କମ୍ପାନୀମାନେ ମଧ୍ୟ ଜିଲ୍ଲା ପ୍ରଶାସନ ନୋଟିସକୁ ବେଖାତିର କରୁଥିବା ଅଭିଯୋଗ ହୋଇଛି ।