ଯାଜପୁର: ବିଧାନସଭା ନିର୍ବାଚନ ପାଇଁ ସବୁ ରାଜନୈତିକ ଦଳଙ୍କ ଚାଲିଛି ଟିକେଟ ଘୋଷଣା । ଟିକେଟକୁ ନେଇ ସବୁ ରାଜନୈତିକ ଦଳଙ୍କ ମଧ୍ୟରେ ଛକାପଞ୍ଝା ଚାଲିଥିବାବେଳେ ଗତକାଲି ଉଭୟ ବିଜେପି ଓ କଂଗ୍ରେସ ପୁଣି ପ୍ରାର୍ଥୀ ଘୋଷଣା କରିଛନ୍ତି । ଏହି ତାଲିକାରେ ଯାଜପୁର ଜିଲ୍ଲା କୋରେଇ ନିର୍ବାଚନ ମଣ୍ଡଳୀ ପାଇଁ ଉଭୟ କଂଗ୍ରେସ ଓ ବିଜେପି ପକ୍ଷରୁ ପ୍ରାର୍ଥୀ ତାଲିକା ପ୍ରକାଶ ପାଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ବିଜେପି ପକ୍ଷରୁ ବିଶ୍ୱଜିତ ନାୟକ ଏବଂ କଂଗ୍ରେସ ପକ୍ଷରୁ ରାଜ୍ୟ ମହିଳା କଂଗ୍ରେସ କାର୍ଯ୍ୟକାରୀ ସଭାନେତ୍ରୀ ବନ୍ଦିତା ପରିଡାଙ୍କୁ ଦଳ ଟିକେଟ ଦେଇଛି । ପ୍ରାର୍ଥୀ ତାଲିକା ପ୍ରକାଶ ପାଇବା ପରେ କର୍ମୀଙ୍କ ମହଲରେ ବେଶ ଉତ୍ସାହ ଦେଖା ଦେଇଛି। ଚଳିତ ନିର୍ବାଚନରେ କୋରେଇର ମୌଳିକ ସମସ୍ୟା ଓ ଦୁର୍ନିତୀକୁ ପ୍ରସଙ୍ଗ କରି ନିର୍ଵାଚନୀ ବୈତରଣୀ ପାରି ହେବାକୁ ଲକ୍ଷ୍ୟ ରଖିଛନ୍ତି ବିଶ୍ୱଜିତ । ଆଜି ତାଙ୍କୁ ଦଳୀୟ କାର୍ଯ୍ୟାଳୟରେ ଦଳୀୟ କର୍ମୀ ଭେଟି ଶୁଭେଚ୍ଛା ଜଣାଉଛନ୍ତି।