ଯାଜପୁର: ବିଧାୟକଙ୍କ ଗାଡି ଉପରକୁ ପଥର ମାଡ଼ ଘଟଣା । ଜଣେ ଅଭିଯୁକ୍ତକୁ ଗିରଫ କରି ପୋଲିସ କୋର୍ଟ ଚାଲାଣ କରିଛି । ଅଭିଯୁକ୍ତ ଜଣକ ଦଶରଥ ଟୁଡୁ ବୋଲି ଜଣାପଡ଼ିଛି । ରବିବାର ତେନ୍ତୁଳିଖୁଣ୍ଟି ଛକ ନିକଟରେ ଘସିପୁରା ବିଧାୟକ ବଦ୍ରିନାରାୟଣ ପାତ୍ରଙ୍କ ଗାଡିକୁ ପଥରମାଡ଼ ହୋଇଥିଲା ।
ବିଧାୟକଙ୍କ ଗାଡିକୁ ପଥର ମାରିବା ଘଟଣା
ଏହି ଘଟଣା ନେଇ ମହୁଲିଆ ଗ୍ରାମର ଟ୍ରକ ଡ୍ରାଇଭର ମାଧବାନନ୍ଦ ଜେନା କୋରେଇ ଥାନାରେ ଅଭିଯୋଗ କରିଥିଲେ । ମାମଲାକୁ ଆଧାର କରି ରବିବାର ବିଳମ୍ବିତ ରାତିରେ ଅଭିଯୁକ୍ତ ଦଶରଥ ଟୁଡୁଙ୍କୁ କହ୍ନେଇପୁର ଅଞ୍ଚଳରୁ ଯାଜପୁର ରୋଡ ଥାନା ପୋଲିସ ଗିରଫ କରିଛି । କେସ ନମ୍ବର 240/22 ଦଫା 341, 294, 336,337,307 ଓ 427ରେ କୋର୍ଟ ଚାଲାଣ କରିଥିବା ଥାନା ଅଧିକାରୀ ଶ୍ରବଣ କୁମାର ମହାରଣା ସୂଚନା ଦେଇଛନ୍ତି ।