ଯାଜପୁର: ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାବେଳେ 5 ହଜାର ଉର୍ଦ୍ଧ୍ବ ଚିହ୍ନଟ ହୋଇଛନ୍ତି । ତେବେ ଯାଜପୁର ଜିଲ୍ଲାରେ କୋରୋନା ପଜେଟିଭ ସଂଖ୍ୟା 381କୁ ବୃଦ୍ଧି ପାଇଥିବାବେଳେ ଜାରି ରହିଛି ଦୁଇ ଦିନିଆ ସଟଡାଉନ କଟକଣା । ଜୁନ ମାସର ତୃତୀୟ ସପ୍ତାହରେ ଯାଜପୁର ଜିଲ୍ଲାରେ ଶନିବାର ଓ ରବିବାର ଦୁଇଦିନ ଧରି 48 ଘଣ୍ଟିଆ ସଟଡାଉନ କଟକଣା ଜାରି ହୋଇଛି ।ଏଥିଯୋଗୁଁ ଯାନବାହାନ ଚଳାଚଳ ସମ୍ପୂର୍ଣ୍ଣ ବନ୍ଦ ରହିବା ସହିତ ଦୋକାନ ବଜାର ବନ୍ଦ ରହିଛି ।
ଯାଜପୁରରେ ଦୁଇ ଦିନିଆ ସଟଡାଉନ
ସେପଟେ ଜିଲ୍ଲାରେ ଗତକାଲି(ଶନିବାର) 3ଜଣ କୋରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ଆଜି(ରବିବାର) ଗୋଟିଏ ଦିନରେ ଆଉ 21ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ବର୍ତ୍ତମାନ ସୁଦ୍ଧା ମୋଟ ଆକ୍ରାନ୍ତଙ୍କ ସଂଖ୍ୟା 381ରେ ପହଞ୍ଚି ସାରିଛି ।