ଡକାୟତି ଗ୍ୟାଙ୍ଗ ଗିରଫ, ଚୋରି ସାମଗ୍ରୀ ଜବତ

ଡକାୟତି ଗ୍ୟାଙ୍ଗକୁ ଗିରଫ କଲା ଯାଜପୁର ରୋଡ ପୋଲିସ । 5 ଡକାୟତଙ୍କୁ କଲା ଗିରଫ । ଅନେକ ଚୋରି ସାମଗ୍ରୀ ଜବତ । ଅଧିକ ପଢନ୍ତୁ...

ଯାଜପୁର: ଡକାୟତି ଗ୍ୟାଙ୍ଗକୁ ଗିରଫ କଲା ଯାଜପୁର ରୋଡ ପୋଲିସ । ଏହାସହ ଅନେକ ଚୋରି ସାମଗ୍ରୀ ଜବତ ହୋଇଛି । ଗିରଫ ହୋଇଥିବା 5 ଅଭିଯୁକ୍ତଙ୍କ ଘର ଯାଜପୁର ରୋଡ ଥାନା ଅଞ୍ଚଳରେ ହୋଇଥିବା ଜଣାପଡିଛି ।

ଏହି ରାକେଟ ବିଭିନ୍ନ ସ୍ଥାନରେ ଘରର ଗ୍ରୀଲ, କବାଟ ଭାଙ୍ଗି ଚୋରି କରୁଥିଲେ । ଏକ ଲକ୍ଷ ନଗଦ ଟଙ୍କା ଓ ଚୋରି ସୁନା ଅଳଙ୍କାର ସହିତ 3ଟି ଏଲଇଡି ଟିଭି, 11ଟି ମୋବାଇଲ, 2ଟି ଲାପଟପ୍, 4ଟି ଇନଭର୍ଟର, 4ଟି ବ୍ୟାଟେରୀ, କ୍ୟାମେରା, ପ୍ରିଣ୍ଟର ଓ 4ଟି ୱାଟର ପମ୍ପ ଆଦି ଚୋରି ସାମଗ୍ରୀ ଗୁଡିକ ଜବତ କରିଛି ପୋଲିସ। ଏନେଇ ଯାଜପୁର ରୋଡ ଥାନାରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯାଜପୁର ଏସପି ରାହୁଲ୍ ପିଆର୍।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ