ଯାଜପୁର: ଭିକିପୁର ସଂରକ୍ଷିତ ଜଙ୍ଗଲରୁ 5ଟି ହରିଣ ଶିଙ୍ଗ ଓ ଗୋଟିଏ ହାତୀ କଳଦାନ୍ତ ଜବତ କଲା ଯାଜପୁର ରୋଡ୍ ବନବିଭାଗ । କୌଣସି ବିଶ୍ବସ୍ତ ସୂତ୍ରରୁ ଖବର ପାଇ ବନବିଭାଗ ପକ୍ଷରୁ ଏହି ବନଖଣ୍ଡ ଅଧିନସ୍ଥ ଭିକିପୁର ସଂରକ୍ଷିତ ଜଙ୍ଗଲରେ ଚଢାଉ କରାଯାଇଥିଲା । ଫଳରେ 5 ଗୋଟି ହରିଣ ଶିଙ୍ଗ, ଗୋଟିଏ ହାତୀ କଳଦାନ୍ତ ଓ ଗୋଟିଏ ଜୀବନ୍ତ ବହୁରୂପୀ ଏଣ୍ଡୁଅ ଜବତ୍ କରାଯାଇଛି ।
5 ଟି ହରିଣ ସିଙ୍ଗ ଓ ଗୋଟିଏ ହାତୀ କଳଦାନ୍ତ ଜବତ, 2 ଗିରଫ
ଚଢାଉବେଳେ ଘଟଣାସ୍ଥଳରୁ ଦୁଇ ଜଣ ଅଭିଯୁକ୍ତ କର୍ମଚାରୀଙ୍କ ହାତରେ ଧରାପଡିଥିବାବେଳେ ଅନ୍ୟ ଦୁଇ ମୁଖ୍ୟ ଅଭିଯୁକ୍ତ ସେଠାରୁ ଫେରାର ହୋଇଯାଇଥିଲେ । ତେବେ ଖୁବ୍ ଶୀଘ୍ର ସେମାନେ ବନବିଭାଗ ହାତରେ ଧରାପଡିବେ ବୋଲି ଯାଜପୁର ରୋଡ୍ ଫରେଷ୍ଟ ରେଞ୍ଜର ଦେବେନ୍ଦ୍ର ପଟ୍ଟନାୟକ ସୂଚନା ଦେଇଛନ୍ତି ।