ଯାଜପୁରରୁ 4 ଶିଶୁ ଶ୍ରମିକ ଉଦ୍ଧାର

ଯାଜପୁର ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ୩ ଜଣ ନାବାଳକ ଓ ଜଣେ ନାବାଳିକାକୁ ଉଦ୍ଧାର କରିଛି ।

ଯାଜପୁର: ଆକ୍ସନ ମୁଡରେ ଯାଜପୁର ପୋଲିସ । ବିଭିନ୍ନ ସ୍ଥାନରେ ଚଢାଉ କରି 4ଜଣ ଶିଶୁ ଶ୍ରମିକଙ୍କୁ ଉଦ୍ଧାର କରିଛି ପୋଲିସ । ସେମାନଙ୍କ ମଧ୍ୟରେ ଜଣେ ନାବାଳିକା ରହିଛି । ତେବେ ଉଦ୍ଧାର ପରେ ଶିଶୁ ମାନଙ୍କୁ ଶିଶୁ ମଙ୍ଗଳ ସମିତି ନିକଟରେ ହାଜର କରିଥିଲା ପୋଲିସ । ଏହାସହ ଶିଶୁ ମାନଙ୍କ ପରିବାରକୁ ଖବର ଦିଆଯିବା ସହ ଭବିଷ୍ୟତରେ ଏମାନଙ୍କୁ କାମରେ ନ ଲଗାଇବା ପରାମର୍ଶ ଦିଆଯାଇଛି ।

ଏହି ଶିଶୁ ମାନେ ଇଟାଭାଟି ଓ ଫଳ ଦୋକାନରେ କାମ କରୁଥିଲେ । ଖବର ପାଇ ପୋଲିସ ଚଢାଉ କରି ଉଦ୍ଧାର କରିଥିଲା । ଏଥିସହ ଶିଶୁ ମାନଙ୍କୁ କାମରେ ଲଗାଉଥିବା ସଂସ୍ଥା ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ପୋଲିସକୁ ଚିଠି ଲେଖାଯିବ ବୋଲି ସମିତି ଅଧ୍ୟକ୍ଷ କହିଛନ୍ତି ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ