ଯାଜପୁର: ଲକଡାଉନକୁ ସଫଳ କରିବା ପାଇଁ ପୁରା ଦମରେ ଲାଗିଛି ଯାଜପୁର ଜିଲ୍ଲା ପ୍ରଶାସନ । ଶୁକ୍ରବାର ସକାଳୁ ଯାଜପୁର ଜିଲ୍ଲାପାଳ, ଉପଜିଲ୍ଲାପାଳ ଜିଲ୍ଲାର ବିଭିନ୍ନ ସ୍ଥାନକୁ ଯାଇ ଲକଡାଉନକୁ ଜୋରଦାର କରିବା ପାଇଁ ରାସ୍ତାକୁ ଓହ୍ଲାଇଛନ୍ତି । ହାତରେ ଠେଙ୍ଗା ଧରି ଆଇନ ଉଲଙ୍ଘନକାରୀଙ୍କୁ ମଧ୍ୟ ସାବାଡ କରୁଛନ୍ତି ।
ଲକ ଡାଉନକୁ ସଫଳ କରିବା ପାଇଁ ଦବଙ୍ଗ ସାଜିଲେ ଯାଜପୁର ଜିଲ୍ଲାପାଳ
ତେବେ ନିର୍ଦ୍ଧିଷ୍ଟ ସମୟ ସୀମା ପରେ ମଧ୍ୟ ବିରଜା ହାଟରେ ଦୋକାନ ବଜାର ଖୋଲାଯାଇଥିବା ଦେଖି ଦୋକାନୀଙ୍କୁ ତାଗିଦ କରାଯାଇଛି । ଏଥିସହିତ ବିଭିନ୍ନ ଛକ ବଜାରରେ ଅଯଥାରେ ଗହଳି କରୁଥିବା ବ୍ୟକ୍ତି ମାନଙ୍କୁ ମଧ୍ୟ ତାଗିଦ କରାଯାଇଛି । ଏହାଛଡା ରାସ୍ତାରେ ବାଇକ ଆଣି ଗହଳି ସୃଷ୍ଟି କରୁଥିବା ବ୍ୟକ୍ତିଙ୍କୁ ପୋଲିସ ପକ୍ଷରୁ ସତର୍କ କରିଦିଆଯାଇଛି ।