2.5ଗ୍ରାମ ବ୍ରାଉନସୁଗାର ଜବତ, ଜଣେ ଗିରଫ

ଯାଜପୁର ରୋଡ ପୋଲିସ ଦ୍ବାରା 2.5ଗ୍ରାମ୍ ଓଜନର ବ୍ରାଉନସୁଗାର ଜବତ ହୋଇଛି । ଘଟଣାରେ ସମ୍ପୃକ୍ତ ଜଣେ ଅଭିଯୁକ୍ତ ଗିରଫ। ଅଧିକ ଖବର ପଢନ୍ତୁ...

ଯାଜପୁର: ଦିନକୁ ଦିନ ବଢିବାରେ ଲାଗିଛି ନିଶାକାରବାର । ଆଜି ଯାଜପୁର ରୋଡ ପୋଲିସ ଦ୍ବାରା 2.5ଗ୍ରାମ୍ ଓଜନର ବ୍ରାଉନସୁଗାର ଜବତ ହୋଇଛି। ଘଟଣାରେ ସମ୍ପୃକ୍ତ ଜଣେ ଅଭିଯୁକ୍ତ ଗିରଫ। ଗିରଫ୍ ଅଭିଯୁକ୍ତ ସ୍ଥାନୀୟ ସାପଗାଡିଆ ଅଞ୍ଚଳର ଅଜୁ ଓରଫ୍ ପ୍ରକାଶ ଦାସ ବୋଲି ବୋଲି ଜଣାପଡିଛି।

ସୂଚନା ଅନୁସାରେ, ପୋଲିସ୍ କୌଣସି ବିଶ୍ବସ୍ତ ସୂତ୍ରରୁ ଖବର ପାଇ ବସଷ୍ଟାଣ୍ଡ ଅଞ୍ଚଳରେ ଚଢାଉ କରିଥିଲା। ଏହି ସମୟରେ ବ୍ରାଉନସୁଗାର ଜବତ କରିବା ସହ ସମ୍ପୃକ୍ତ ଯୁବକ ଅଜୁକୁ ସେଠାରୁ ଗିରଫ୍ କରିବାକୁ ସକ୍ଷମ ହୋଇଥିଲା।

ଏହି କାରବାରରେ କୌଣସି ର୍ୟାକେଟ କାମ କରୁଥିବା ପୋଲିସ୍ ସନ୍ଦେହ କରିଛି । ତେବେ ଅଜୁର ବୟାନକୁ ଆଧାର କରି ଏହି ବ୍ରାଉନସୁଗାର କାରବାରର ର୍ୟାକେଟକୁ ଠାବ କରିବା ପାଇଁ ଉଦ୍ୟମ ଜାରି ରଖିଥିବା ପୋଲିସ କହିଛି । ତେବେ ତଦନ୍ତ ପ୍ରକ୍ରିୟାରେ ବାଧକ ନପହଞ୍ଚାଇବାକୁ ପୋଲିସ୍ କ୍ୟାମେରା ଆଗରେ କୌଣସି ତଥ୍ୟ ଦେବାକୁ ମନା କରିଥିଲା।

ଯାଜପୁରରୁ ଜ୍ଞାନରଞ୍ଜନ ଓଝା,ଇଟିଭି ଭାରତ