ମହିଳା ସଙ୍ଗଠନ ପକ୍ଷରୁ ମଦ ଜବତ

ଏରସମାରେ ଝାନସୀରାଣୀ ମହିଳା ସଙ୍ଘ ବିପୁଳ ପରିମାଣର ଚୋରାମଦ ଜବତ କରିଛି । ଜବତ ହୋଇଥିବା ଚୋରାମଦ ଗୁଡିକୁ ଝାନସୀ ରାଣୀ ମହିଳା ସଙ୍ଗଠନ ପକ୍ଷରୁ ଅବକାରୀ ବିଭାଗକୁ ହସ୍ତାନ୍ତର କରାଯାଇଛି।

ଜଗତସିଂହପୁର: ଏରସମା ଥାନା ଅନ୍ତର୍ଗତ ଗଡ଼ହରିଶପୁର ପଞ୍ଚାୟତରେ ଝାନସୀରାଣୀ ମହିଳା ସଙ୍ଘ ବିପୁଳ ପରିମାଣର ଚୋରାମଦ ଜବତ କରିଛି। ଏହି ପଞ୍ଚାୟତର ମହିଳା ଗୁରୁବାର ରାତି ୮ଟା ସମୟରେ କୌଣସି ସୁତ୍ରରୁ ଖବର ପାଇ ଗଡହରିସପୁରେ ଥିବା ମନସା ପଡିଆ ନିକଟ ମଦଦୋକାନରେ ଅତର୍କିତ ଚଢାଉ କରି ବିପୁଳ ପରିମାଣର ବିଦେଶୀ ଓ ଦେଶି ମଦ ଜବତ କରିଥିଲେ।

ଘେରାଉ କରିବା ସମୟରେ ଚୋରାମଦ ବିକ୍ରିକରୁଥିବା ଗଡହରିସପୁରର ହରିପଦ ତୋଳା ନାମକ ବ୍ୟକ୍ତି ଖସି ପଳାଇଥିବା ସ୍ଥାନୀୟ ଲୋକେ କହିଛନ୍ତି । ଜବତ ହୋଇଥିବା ଚୋରାମଦ ଗୁଡିକୁ ଝାନସୀ ରାଣୀ ମହିଳା ସଙ୍ଗଠନ ପକ୍ଷରୁ ଅବକାରୀ ବିଭାଗକୁ ହସ୍ତାନ୍ତର କରାଯାଇଛି ।

ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ