ଜଗତସିଂହପୁର: ଭିଜିଲାନ୍ସ ଜାଲରେ ଜଗତସିଂହପୁର ଡ୍ରଗ୍ସ ଅଫିସର ଡାଟା ଏଣ୍ଟ୍ରି ଅପରେଟର ତପନ କୁମାର ସେଠୀ । ସଦର ଥାନା ଅନ୍ତର୍ଗତ ବଡ ଲହଙ୍ଗା ଗ୍ରାମର ଶୁଭେନ୍ଦୁ ସ୍ୱାଇଁ ନାମକ ଜଣେ ମେଡ଼ିସିନ ଦୋକାନୀକୁ ଡ୍ରଗ୍ସ ଲାଇସେନ୍ସ କରାଇ ଦେବାକୁ କହି 10 ହଜାର ଟଙ୍କା ଲାଞ୍ଚ ମାଗିଥିଲେ। ସେ ଏଥିରେ ଅରାଜି ହେବାରୁ ତାଙ୍କ ଫାଇଲ କାମ କରିବାକୁ ଡାଟା ଏଣ୍ଟ୍ରି ଅପରେଟର ତପନ କୁମାର ସେଠୀ ସିଧା ସିଧା ମନାକରି ଦେଇଥିଲେ।
ଭିଜିଲାନ୍ସ ଜାଲରେ ଲାଞ୍ଚୁଆ ଡ୍ରଗ୍ସ ଅଫିସ ଡାଟାଏଣ୍ଟ୍ରି ଅପରେଟର
ବାରମ୍ବାର ଦୌଡ଼ି ନିରାଶ ହେବା ପରେ ମେଡ଼ିସିନ ଦୋକାନୀ ଜଣଙ୍କ ଭିଜିଲାନ୍ସ ବିଭାଗ ଅଧିକାରୀଙ୍କୁ ଜଣାଇ ଥିଲେ। ପରେ ଲାଞ୍ଚୁଆ ଡାଟା ଏଣ୍ଟ୍ରି ଅପରେଟରଙ୍କୁ ଧରିବାକୁ ଜାଲ ବିଛାଇଥିଲା ଭିଜିଲାନ୍ସ ଟିମ ।