ଜଗତସିଂହପୁର: ଆଉ ନାହାନ୍ତି ବିଶିଷ୍ଟ ସ୍ବାଧୀନତା ସଂଗ୍ରାମୀ ବିଶ୍ଵନାଥ ଦାସ ।ନୀରବି ଯାଇଛନ୍ତି ବାଲିକୁଦା ମାଟିର ଗାନ୍ଧୀ ରାଷ୍ଟ୍ରପତି ପୁରସ୍କାର ପ୍ରାପ୍ତ ବର୍ଷିୟାନ ସ୍ଵାଧୀନତା ସଂଗ୍ରାମୀ ବିଶ୍ୱନାଥ ଦାସ । ଗତକାଲି (ସୋମବାର) ବିଳମ୍ବିତ ରାତିରେ 106 ବର୍ଷ ବୟସରେ ତାଙ୍କର ପରଲୋକ ହୋଇଛି । କଟକ ବଡ଼ ମେଡିକାଲରେ ଚିକିତ୍ସାଧୀନ ଅବସ୍ଥାରେ ଅଫେରା ରାଇଜକୁ ଚାଲି ଯାଇଛନ୍ତି ସଂଗ୍ରାମୀ ବିଶ୍ବନାଥ ଦାସ । ସ୍ବାଧୀନତା ସଂଗ୍ରାମରେ ସକ୍ରିୟ ଭୂମିକା ଗ୍ରହଣ କରି ଦୁଇ ଦୁଇ ଥର କାରାବରଣ ଭୋଗିଥିଲେ ସଂଗ୍ରାମୀ ବିଶ୍ୱନାଥ ।
1917 ଜୁନ 17 ତାରିଖରେ ଜଗତସିଂହପୁର ଜିଲ୍ଲା ସିନ୍ଦୋଳ ଗାଁରେ ଜନ୍ମ ଗ୍ରହଣ କରିଥିଲେ ବିଶ୍ୱନାଥ ଦାସ । ପିତା ଘନଶ୍ୟାନ ଦାସ ଓ ମାତା ବେଲ ଦେଇଙ୍କ କୋଳ ମଣ୍ଡନ କରିଥିଲେ ବିଶ୍ବନାଥ । ସ୍କୁଲରେ ପଢିବା ସମୟରୁ ଗାନ୍ଧୀଙ୍କ ଆଦର୍ଶରେ ଅନୁପ୍ରାଣିତ ହୋଇଥିଲେ । ମାତ୍ର 16ବର୍ଷ ବୟସରେ ସ୍ୱାଧିନତା ସଂଗ୍ରାମରେ ଝାସ ଦେଇଥିଲେ । ପରେ ବ୍ରିଟିଶ ଦ୍ଵାରା ଗିରଫ ହୋଇ ଦୁଇ ଦୁଇ ଥର ଜେଲ ଯାଇଥିଲେ । ଏରସମାର ଥାନା ପୋଡି ସମୟରେ ସେ କାରବରଣ ସହିଥିଲେ । ଏହି ବର୍ଷିୟାନ ସ୍ୱାଧୀନତା ସଂଗ୍ରାମୀଙ୍କୁ 2020 ଅଗଷ୍ଟ 9 କ୍ରାନ୍ତି ଦିବସରେ ତତ୍କାଳୀନ ରାଷ୍ଟ୍ରପତି ରାମନାଥ କୋବିନ୍ଦ ସମ୍ବର୍ଦ୍ଧିତ କରିଥିଲେ ।