ଜଗତସିଂହପୁର: ଜିଲ୍ଲାସ୍ଥିତ ମୁଖ୍ୟ ଚିକିତ୍ସାଳୟରେ ଯକ୍ଷ୍ମାରୋଗ ଉପରେ ସଚେତନତା ରଥ ଉଦଘାଟିତ ହୋଇଛି । ଜିଲ୍ଲାରେ 12 ଲକ୍ଷ ଲୋକଙ୍କ ମଧ୍ୟରୁ 2 ପ୍ରତିଶତ ଲୋକେ ଯକ୍ଷ୍ମା ରୋଗରେ ପୀଡିତ ହୋଇଥାନ୍ତି । ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ଯକ୍ଷ୍ମା ଦିବସ ଅବସରରେ ଲୋକଙ୍କୁ ସଚେତନ କରାଯାଇଛି ।
ଯକ୍ଷ୍ମା ରୋଗ ମଣିଷର ନଖ ଓ କେଶକୁ ଛାଡି ଦେଲେ ପ୍ରତ୍ୟେକ ଅଙ୍ଗକୁ ସଂକ୍ରମଣ ହୋଇପାରେ । ବିଶେଷ କରି ଯକ୍ଷ୍ମା ରୋଗ ଦ୍ୱାରା ଫୁସଫୁସ ଅଧିକ ମାତ୍ରାରେ ପ୍ରଭାବିତ ହୋଇଥାଏ । ପ୍ରାଥମିକ ଚିକିତ୍ସା ଦ୍ୱାରା ଯକ୍ଷ୍ମା ରୋଗ ସମ୍ପୂର୍ଣ୍ଣ ଭଲ ହୋଇଥାଏ । ପ୍ରଥମେ ଯକ୍ଷ୍ମା ରୋଗ ଲକ୍ଷଣ ଦେଖାଗଲେ ଡାକ୍ତରଙ୍କ ପରାମର୍ଶ କରିବା ଆବଶ୍ୟକ । ଯକ୍ଷ୍ମା ରୋଗରେ ଆକ୍ରାନ୍ତ ହେଲେ ପ୍ରଥମେ ଦୁର୍ବଳ ଲାଗିବା, ଦୁଇ ସପ୍ତାହ ପର୍ଯ୍ୟନ୍ତ କାଶ ଲାଗି ରହିବା, ସନ୍ଧ୍ୟା ସମୟରେ ଜ୍ଵର ଆସିବା, ଛାତିରେ ଯନ୍ତ୍ରଣା ଅନୁଭବ ହେବା ଓ କାଶରେ ରକ୍ତ ପଡିବା ଆଦି ଲକ୍ଷଣ ଦେଖା ଦେଇଥାଏ । ଏହି ଲକ୍ଷଣ ଦେଖାଦେଲେ ପ୍ରଥମେ ଡାକ୍ତରଙ୍କ ପରାମର୍ଶରେ ଡ଼ଟ୍ସ ପଦ୍ଧତିରେ ଚିକିତ୍ସା କରା ଯାଇଥାଏ, ଯକ୍ଷ୍ମାରୁ ସମ୍ପୂର୍ଣ୍ଣ ମୁକ୍ତ ପାଇବା ପାଇଁ 3 ମାସ ଧରି ନିୟମିତ ଔଷଧ ସେବନ କରାଯିବା ଆବଶ୍ୟକ ବୋଲି ଲୋକଙ୍କୁ ପରାମର୍ଶ ଦିଆଯାଇଛି ।