ଜଗତସିଂହପୁର: ପାରାଦ୍ବୀପ ବନ୍ଦରକୁ ବିଶ୍ବସ୍ତରୀୟ କରିବା ପାଇଁ ପ୍ରୟାସ ଆରମ୍ଭ ହୋଇଛି। ସାରା ଓଡ଼ିଶାରେ ଇଣ୍ଡଷ୍ଟ୍ରିଆଲ ଇନଭେଷ୍ଟମେଣ୍ଟକୁ ବଢାଇବା ସହିତ ଇଣ୍ଡଷ୍ଟ୍ରୀ ଗୁଡିକର ଫିନିସିଂ ପ୍ରଡକ୍ଟ ଗୁଡିକୁ ଏକ୍ସପୋର୍ଟ ଓ ଇମପୋର୍ଟ କରିବା ପାଇଁ ପାରାଦ୍ବୀପ ବନ୍ଦରକୁ ମେକାନାଇଜ କରାଯାଉଛି। ଖୁବ୍ କମ ସମୟରେ ପଣ୍ୟ କାରବାର କରାଯିବା ସହିତ ନଦୀ ଭିତ୍ତିକ ବନ୍ଦରକୁ ମଧ୍ୟ ପ୍ରାଧାନ୍ୟ ଦିଆଯାଉଛି।
ପାରାଦ୍ବୀପ ବନ୍ଦର ପକ୍ଷରୁ 27 ଟି କମ୍ପାନୀ ସହିତ ଏମଓୟୁ ସ୍ବାକ୍ଷରିତ
ଏହି ପରିପ୍ରେକ୍ଷୀରେ ଗୁରୁବାର ପାରାଦ୍ବୀପ ବନ୍ଦର ପକ୍ଷରୁ ଛୋଟ ବଡ ୨୭ ଟି କମ୍ପାନୀ ସହିତ ୨୭ ହଜାର ୪୫୦ କୋଟି ଟଙ୍କାର ଏମଓୟୁ ସ୍ବାକ୍ଷର କରାଯାଇଛି। ଏଥିରେ ତ୍ରିବେଣୀ ଗ୍ରୁପ ୨୪ ମିଲିୟନ ମେଟ୍ରିକ ଟନ୍ ର ପେଲେଟ ପ୍ଲାଣ୍ଟ, ଏଷାର ଗୃପ ୧୪ ମିଲିୟନ ମେଟ୍ରିକ ଟନ୍ ର ପେଲେଟ ପ୍ଲାଣ୍ଟ, ଆର୍ସେଲର ମିତଲ ୧୨ ମିଲିୟନ ମେଟ୍ରିକ ଟନ୍ ର ପେଲେଟ ପ୍ଲାଣ୍ଟର ପଣ୍ୟ ପାରାଦ୍ବୀପ ବନ୍ଦର ଦେଇ ପରିବହନ କରାଯିବ।