ଜଗତସିଂହପୁର:ମା’ର ଦେହ ବ୍ଯବସାୟକୁ ବିରୋଧ କରି ଆକ୍ରମଣର ଶିକାର ହେଲା ପୁଅ । ସଦର ଥାନା ଅନ୍ତର୍ଗତ ବାରଙ୍ଗ ନିକଟରେ ଜୈନିକ ମହିଳା ଓ ତାଙ୍କ ଝିଅ ଦେହ ବ୍ୟବସାୟରେ ଲିପ୍ତ ଥିବାବେଳେ ଏହାକୁ ମହିଳାଙ୍କ ସ୍ବାମୀ ଓ ପୁଅ ବିରୋଧ କରିବାରୁ ମହିଳା ଜଣଙ୍କ ନିଜ ପୁଅକୁ କଟୁରିରେ ଆକ୍ରମଣ କରି ଲହୁ ଲୁହାଣ କରିଥିବା ଅଭିଯୋଗ ହୋଇଛି।
ପୋଲିସ ସୂଚନା ଅନୁଯାୟୀ ଆଜି (ଗୁରୁବାର) ସନ୍ଧ୍ୟା ସମୟରେ ବାରଙ୍ଗ ଗ୍ରାମର ଜଣେ ମହିଳା ଓ ତାଙ୍କ ଝିଅ ଦୀର୍ଘଦିନ ଧରି ଦେହ ବ୍ୟବସାୟ ଚଳାଇ ଆସୁଥିଲେ । ଏହାକୁ ମହିଳାଙ୍କ ପୁଅ ବିରୋଧ କରିବାରୁ ମହିଳା ଜଣଙ୍କ ତାଙ୍କ ପୁଅକୁ କଟୁରିରେ ଆକ୍ରମଣ କରିଥିଲା । ଫଳରେ ଗୁରୁତର ଅବସ୍ଥାରେ ତାଙ୍କୁ ଜଗତସିଂହପୁର ମେଡ଼ିକାଲରେ ଭର୍ତ୍ତି କରାଯାଇଛି । ତେବେ ଗ୍ରାମବାସୀ ଅସଂଯତ ଅବସ୍ଥାରେ ଜଣେ ଯୁବକଙ୍କ ସହ ମହିଳା ଓ ତାଙ୍କ ଝିଅକୁ ଧରି ପୋଲିସକୁ ଖବର ଦେଇଥିଲେ । ପୋଲିସ ସମ୍ପୃକ୍ତ ଯୁବକ ଓ ଦେହ ବ୍ୟବସାୟ ଚଳାଉ ଥିବା ମହିଳାଙ୍କୁ ନେଇ ଥାନାରେ ଅଟକ ରଖିଥିବା ଖବର ମିଳିଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
