ଜଗତସିଂହପୁର: କେନ୍ଦ୍ରାପଡାରେ କୋରୋନା ଆକ୍ରାନ୍ତ ଚିହ୍ନଟ ହେବା ପରେ ଜଗତସିଂହପୁର ଜିଲ୍ଲାରେ ମଧ୍ୟ ଲକଡାଉନକୁ କଡାକଡି କରାଯାଇଛି । ଜିଲ୍ଲାର ଜଗତସିଂହପୁର ଓ ପାରାଦୀପ ସହରର ସମସ୍ତ ପେଟ୍ରୋଲ ପମ୍ପରେ କଟକଣା ଜାରି କରିଛି ପ୍ରଶାସନ। ଆଜି(ବୁଧବାର) ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଦିନ ଗୋଟାଏ ପରେ କାହାକୁ ପେଟ୍ରୋଲ ନଦେବାକୁ ସମସ୍ତ ପେଟ୍ରୋଲ ପମ୍ପ ମାଲିକମାନଙ୍କୁ ନିର୍ଦ୍ଦେଶ ଦିଆଯାଇଛି।
ଦିନ ଗୋଟେ ପରେ ମିଳିବନି ପେଟ୍ରୋଲ
ଏଥିମଧ୍ୟରୁ ପୋଲିସ ଗାଡି, ବ୍ଲକ, ତହସିଲ, ଆମ୍ବୁଲାନ୍ସ, ଓ ମାଲ ପରିବହନ ଯାନ ଗୁଡିକୁ ବାଦ ଦିଆଯାଇଛି। ଜିଲ୍ଲାରେ କେତେକ ଲୋକେ ଲକଡାଉନ ନିୟମ ମାନୁ ନଥିବାରୁ ବାଧ୍ୟ ହୋଇ ପ୍ରଶାସନ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଥିବା କୁହାଯାଇଛି।