ଜଗତସିଂହପୁର: ଏସଭିଏମ କଲେଜ ନକଲି ପ୍ରମାଣ ପତ୍ରକୁ ନେଇ ତାତିଲା ଜିଲ୍ଲା ଛାତ୍ର କଂଗ୍ରେସ । କଲେଜରେ ଜାଲ ରେଜିଷ୍ଟ୍ରେସନ ନମ୍ବର ଓ ଆଡ଼ମିଶନ ଜାଲିଆତିକୁ ନେଇ ଛାତ୍ର କଂଗ୍ରେସ ସିଧାସଳଖ ବିଧାୟକ ବିଷ୍ଣୁ ଦାସଙ୍କୁ ଟାର୍ଗେଟ କରିଛି ।
ଜାଲ ପ୍ରମାଣପତ୍ରକୁ ନେଇ ଛାତ୍ର କଂଗ୍ରେସର ରଣହୁଙ୍କାର
ଜିଲ୍ଲା ଛାତ୍ର କଂଗ୍ରେସ ସଭାପତି କୁମାର ପ୍ରୀତମ ପରିଜା ଅଭିଯୋଗ କରିଛନ୍ତି ଯେ, 2015-16 ଶିକ୍ଷା ବର୍ଷ ଠାରୁ 2018-19 ଶିକ୍ଷା ବର୍ଷ ପର୍ଯ୍ୟନ୍ତ ଉଚ୍ଚଶିକ୍ଷା ବିଭାଗ ତରଫରୁ, ଯୁକ୍ତ 3 କଳା ପାଇଁ 256,ଵିଜ୍ଞାନ ପାଇଁ 256 ଓ ବାଣିଜ୍ୟ ପାଇଁ 256ଟି ସିଟ୍ ମୋଟ 768 ଟି ସିଟ ପାଇଁ ଧାର୍ଯ୍ୟ କରାଯାଇଛି । କିନ୍ତୁ କଲେଜର ଅଧ୍ୟକ୍ଷ, କର୍ମଚାରୀ ଓ ପରିଚାଳନା କମିଟିର ମୁଖ୍ୟ ଵିଷ୍ଣୁ ଦାସ ମିଳିତ ଭାବରେ ମନମୁଖୀ ସିଟ୍ସଂଖ୍ୟା ବଢ଼ାଇ ଦେଇଛନ୍ତି ।