ଜଗତସିଂହପୁର: ବେକରେ ରଶି ଲଗାଇ ମହିଳାଙ୍କ ଆତ୍ମହତ୍ୟା । ଏଭଳି ଏକ ଘଟଣା ଘଟିଛି ଜଗତସିଂହପୁର ଜିଲ୍ଲା ବିରିଡି ଥାନା ଅନ୍ତର୍ଗତ ହାଜିପୁର ଗ୍ରାମରେ । ମୃତ ମହିଳା ଜଣଙ୍କ ହେଉଛନ୍ତି ଗ୍ରାମର ରାକେଶ ବେହେରାଙ୍କ ପତ୍ନୀ ସୁଚିତ୍ରା ବେହେରା । ଘର ଭିତରେ ଥିବା ଏକ ଲୁହାରଡ଼ରେ ମହିଳାଜଣଙ୍କ ରଶି ଲଗାଇ ଆତ୍ମହତ୍ୟା କରିଥିବା ବେଳେ ପୋଲିସ ମୃତଦେହଟିକୁ ଉଦ୍ଧାର କରିଛି । ତେବେ ମହିଳାଙ୍କ ବେକରେ ରଶିଟି ନଲାଗି ପାଟିରେ ରହିଥିବା ବେଳେ ମହିଳାଙ୍କ ହାତ ୨ଟି ବନ୍ଧାଯାଇଥିବାରୁ ଏହା ଏକ ହତ୍ୟାକାଣ୍ଡ ବୋଲି ପୋଲିସ ସନ୍ଦେହ କରୁଛି ।
ମହିଳାଙ୍କ ସନ୍ଦେହ ଜନକ ମୃତ୍ୟୁ
ସେପଟେ ମୃତ ମହିଳାଙ୍କ ଭାଇ ଶିବ ପ୍ରସାଦ ବେହେରା ଭଉଣୀଙ୍କୁ ଷଡ଼ଯନ୍ତ୍ର କରି ହତ୍ୟା କରିବା ପରେ ବେକରେ ରଶିରେ ଝୁଲାଇ ଦିଆଯାଇଛି ବୋଲି ବିରିଡି ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଆନୁଯାୟୀ ପୋଲିସ ଏକ ହତ୍ୟା ମାମଲା ରୁଜୁକରି ସ୍ୱାମୀଙ୍କ ସହ ଶ୍ବଶୁର-ସଦାନନ୍ଦ ବେହେରା, ଶାଶୁ-ବୁଲି ବେହେରା ଓ ପଡୋଶି ୨ଜଣଙ୍କୁ ଥାନାରେ ଅଟକ ରଖି ପଚରା ଉଚରା ଚଳାଇଛି।