ଭୁବନେଶ୍ବର: ଫ୍ଲୋରେନ୍ସ ନାଇଟଆଙ୍ଗେଲ ସମ୍ମାନ ୨୦୨୧(Florence Nightingale Award)ରେ ସମ୍ମାନିତ ହେବେ ଜଗତସିଂହପୁର ମୁଖ୍ୟ ଚିକିତ୍ସାଳୟର ଷ୍ଟାଫ୍ ନର୍ସ ଖୁଳଣ ବାରିକ । ମହାମାରୀ ସମୟରେ କୋଭିଡ ସଂକ୍ରମିତ ଗର୍ଭବତୀଙ୍କୁ ସେ ଯୋଗାଇଥିବା ସେବା ପାଇଁ ତାଙ୍କୁ ଏହି ସମ୍ମାନରେ ସମ୍ମାନିତ କରାଯିବ । ଏହାକୁ ନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି ।
ମହାମାରୀ ସମୟରେ ଖୁଳଣ ବାରିକ ନିଜ ଜୀବନକୁ ବାଜି ଲଗାଇ ହସ୍ପିଟାଲ୍କୁ ଆସୁଥିବା କୋଭିଡ ସଂକ୍ରମିତ ଗର୍ଭବତୀଙ୍କୁ ସେବା ଯୋଗାଇ ଦେଉଥିଲେ । ତା ସହିତ ସେହି ସମୟରେ ନବଜାତଙ୍କୁ ମଧ୍ୟ ସ୍ବାସ୍ଥ୍ୟସେବା ଯୋଗାଇ ଦେଇଥିଲେ । ଏହିଭଳି ସେବା ମନୋଭାବ ଯୋଗୁଁ ରାଜ୍ୟ ପାଇଁ ଗୌରବ ଆଣି ଦେଇଛନ୍ତି ଜଗତସିଂହପୁର ମୁଖ୍ୟ ଚିକିତ୍ସାଳୟର ଷ୍ଟାଫ୍ ନର୍ସ ଖୁଳଣ ବାରିକ ।