ବସନ୍ତ ପଞ୍ଚମୀରେ ଶାରଳାଙ୍କ ପୀଠରେ ସ୍ବତନ୍ତ୍ର ନୀତି

ମା’ ଶାରଳାଙ୍କ ମନ୍ଦିରରେ ବସନ୍ତ ପଞ୍ଚମୀ ଅବସରରେ ସ୍ବତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଛି। ଏ ଅବସରରେ ମାଙ୍କୁ ମହାସ୍ନାନ ପରେ ମହାସରସ୍ୱତୀ ବେଶରେ ସଜ୍ଜିତ କରାଯାଇଥିଲା। ଅଧିକ ପଢନ୍ତୁ

ଜଗତସିଂହପୁର:ଇଷ୍ଟଦେବୀ ମା’ ଶାରଳାଙ୍କ ମନ୍ଦିରରେ ବସନ୍ତ ପଞ୍ଚମୀ ଅବସରରେ ସ୍ବତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଛି। ଏ ଅବସରରେ ମା’ଙ୍କୁ ମହାସ୍ନାନ ପରେ ମହାସରସ୍ୱତୀ ବେଶରେ ସଜ୍ଜିତ କରାଯାଇଥିଲା। ବସନ୍ତର ଆଗମନ ହେତୁ ମା’ଙ୍କୁ ସୁବର୍ଣ୍ଣ ଥାଳିରେ ନାଲି ଅଭିର ଓ ଆମ୍ବବଉଳକୁ ବଡ଼ପଣ୍ଡା ଅର୍ପଣ କରିବାର ବିଧି ରହିଛି।

ଏହାବି ପଢନ୍ତୁ :ଆଜି ସରସ୍ବତୀ ପୂଜା, ଶିକ୍ଷାନୁଷ୍ଠାନରେ ବାଗଦେବୀଙ୍କ ଚାଲିଛି ଆରଧନା

ଏହି ନୀତି ସନ୍ଧ୍ୟାରେ ସମାପନ ହେବ। ତେବେ ମା’ ଶାରଳା ସରସ୍ଵତୀଙ୍କ ଅନ୍ୟ ଏକ ରୂପ ବୋଲି କୁହାଯାଏ । ବସନ୍ତ ପଞ୍ଚମୀରେ ମାଙ୍କୁ ରାଶିଲଡୁ ଭୋଗ ଲଗାଇବାର ମଧ୍ୟ ପରମ୍ପରା ରହିଛି। ଆଜିଠାରୁ ଆସନ୍ତା ଦୋଳ ପୂର୍ଣ୍ଣିମା ପର୍ଯ୍ୟନ୍ତ ମା’ଙ୍କ ନିକଟରେ ଫଗୁ ଲାଗି କରିବାର ବିଧି ରହି ଆସିଛି।

ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ