ଜଗତସିଂହପୁର: ଶ୍ରୀମନ୍ଦିର ପରେ ଏବେ ଶାରଳା ମନ୍ଦିର ସେବାୟତଙ୍କ ଧାରଣା । ଜଗତସିଂହପୁର ଜିଲ୍ଲାର ପ୍ରସିଦ୍ଧ ଶକ୍ତିପୀଠ ମା' ଶାରଳାଙ୍କ ମନ୍ଦିର ସମ୍ମୁଖରେ ସେବାୟତମାନେ ଘଣ୍ଟ ବଜାଇ ଅଭିନବ ପ୍ରତିବାଦ କରିଛନ୍ତି । ଦୀର୍ଘ ୭ ମାସରୁ ଊର୍ଦ୍ଧ୍ବ ହେବ ମନ୍ଦିର ବନ୍ଦ ରହିଥିବାରୁ ସେବାୟତ ପରିବାର ଓ ମନ୍ଦିର ଉପରେ ନିର୍ଭର କରି ଚଳି ଆସୁଥିବା ଲୋକେ ଏବେ ଘୋର ଆର୍ଥିକ ଅନଟନରେ ଜୀବନ ବିତାଉଛନ୍ତି ।
ଶ୍ରୀମନ୍ଦିର ପରେ ଏବେ ଶାରଳା ମନ୍ଦିର ସେବାୟତଙ୍କ ଧାରଣା
କେନ୍ଦ୍ର ସରକାର ମନ୍ଦିର ଖୋଲିବାକୁ ନିର୍ଦେଶନାମା ଜାରି କରିଥିଲେ ମଧ୍ୟ, ରାଜ୍ୟ ସରକାର କ'ଣ ପାଇଁ ମନ୍ଦିର ଖୋଲିବାକୁ ଅନୁମତି ଦେଉ ନାହାଁନ୍ତି ତାକୁ ନେଇ ପ୍ରଶ୍ନ ଉଠାଇଛନ୍ତି ସେବାୟତ । ସରକାର ତୁରନ୍ତ ମନ୍ଦିର ଖୋଲିବା ସହ ସେବାୟତମାନଙ୍କୁ ଆର୍ଥିକ ସହାୟତା ଦେବାକୁ ସେମାନେ ଦାବି କରିଛନ୍ତି ।