ଜଗତସିଂହପୁର: ସହରରେ ଜଣେ ଯୁବକଙ୍କ ମୃତ୍ୟୁକୁ ନେଇ ଅସନ୍ତୋଷ । ନିଶା ନିବାରଣ କେନ୍ଦ୍ରରେ ଥିବା ଜଣେ ଯୁବକଙ୍କ ମୃତ୍ୟୁ ଖବର ପାଇ ପରିବାର ଏବଂ ସ୍ଥାନୀୟ ଲୋକେ ରାସ୍ତାରୋକ କରିଥିବା ଜଣାପଡିଛି ।
ନିଶା ନିବାରଣ କେନ୍ଦ୍ରରେ ଯୁବକଙ୍କ ମୃତ୍ୟୁ, ସ୍ଥାନୀୟ ଲୋକଙ୍କ ରାସ୍ତାରୋକ
ସୂଚନା ଅନୁଯାୟୀ ଗଜତସିଂହପୁର ପୌରାଞ୍ଚଳ ଗନ୍ତ ଗ୍ରାମର ଏସକେ ଜାବର ନାମକ ଜଣେ ଯୁବକ ଦୁଇଦିନ ତଳେ ଜଗତସିଂହପୁର ଉପଖଣ୍ଡ ଚାନ୍ଦଗଡ ଗ୍ରାମରେ ଥିବା ନିଶା ନିବାରଣ କେନ୍ଦ୍ରରେ ଚିକିତ୍ସିତ ହେଉଥିଲେ । ଆଜି(ରବିବାର) ସକାଳେ ପରିବାର ଲୋକେ ତାଙ୍କୁ ଭେଟିବାକୁ ଯାଇଥିଲେ । କିନ୍ତୁ ଅପରାହ୍ନରେ ଜାବରର ମୃତ୍ୟୁ ହୋଇଥିବା ନେଇ ଘର ଲୋକଙ୍କୁ ଖବର ଦେଇଥିଲେ ନିଶା ନିବାରଣ କେନ୍ଦ୍ର ସଦସ୍ୟ । ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଥିଲା । ଉତ୍ତ୍ୟକ୍ତ ଲୋକେ ଜଗତସିଂହପୁର 155 ନଂ ଜାତୀୟ ରାଜପଥକୁ ଅବରୋଧ କରିବା ସହ ମୃତଦେହକୁ ରାସ୍ତାରେ ରଖି ଅବରୋଧ କରିଥିଲେ ।