ଜଗତସିଂହପୁର: ଜିଲ୍ଲାରେ କୋଭିଡ-19 ସଂକ୍ରମଣ ଘଟଣା ସାମ୍ନାକୁ ଆସିନଥିବା ବେଳେ ଆସନ୍ତା 20 ତାରିଖ ସୁଦ୍ଧା ଜିଲ୍ଲାରେ ଲକଡାଉନକୁ କିଛି ମାତ୍ରାରେ କୋହଳ କରାଯିବାକୁ ଜିଲା ପ୍ରଶାସନ ନିଷ୍ପତ୍ତି ନେଇଛି । ଏନେଇ ଜିଲ୍ଲାପାଳ ସୂଚନା ଦେଇଛନ୍ତି ।
ଜଗତସିଂହପୁରରେ କୋହଳ ହେବ ଲକଡାଉନ
ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର କହିଛନ୍ତି ଯେ, ସରକାରଙ୍କ ଧାର୍ଯ୍ୟ ସଂଖ୍ୟାଠାରୁ ଅଧିକ ସନ୍ଧିଗ୍ଧଙ୍କ ସ୍ବାବ ନମୁନା ପରୀକ୍ଷା ପାଇଁ ପଠାଯାଇଥିଲା । ଜଗତସିଂହପୁର ଜିଲ୍ଲାରେ ଜନସଂଖ୍ୟା 11 ଲକ୍ଷ 35 ହଜାର ହୋଇ ଥିବା ବେଳେ ଏମାନଙ୍କ ମଧ୍ୟରୁ 135ଟି ନମୁନା ଟେଷ୍ଟ ହେବାର ନିର୍ଦ୍ଦେଶ ଥିଲା । କିନ୍ତୁ ଏଯାବତ୍ 245 ଜଣଙ୍କର ନମୁନା ପରୀକ୍ଷା ପାଇଁ ପଠାଯାଇଛି । ସେମାନଙ୍କ ମଧ୍ୟରୁ 168ଟି ନମୁନା ନେଗେଟିଭ ଆସିସାରିଛି ।