ଜଗତସିଂହପୁର: ଜିଲ୍ଲାରେ ଦେଖାଦେଇଛି ବିଦ୍ୟୁତ ବିତରକ କମ୍ପାନୀ ଟାଟା ପାୱାର ବିରୋଧରେ ଜନ ଅସନ୍ତୋଷ । ବିଭିନ୍ନ ବାଟରେ କମ୍ପାନୀ ଉପଭୋକ୍ତାମାନଙ୍କୁ ଶୋଷଣ କରୁଥିବା ଲୋକେ ଅଭିଯୋଗ କରିଛନ୍ତି । ବିଶେଷ ଭାବରେ ଗ୍ରାମାଞ୍ଚଳରେ ବସବାସ କରୁଥିବା ଲୋକେ ଜୁଲମର ଶିକାର ହେଉଥିବା ବିଭିନ୍ନ ସମୟରେ ଅଭିଯୋଗ ହେଉଛି । କମ୍ପାନୀ ପ୍ରଥମ 50 ୟୁନିଟ ପର୍ଯ୍ୟନ୍ତ 3 ଟଙ୍କା ନେଉଥିବା ବେଳେ 50 ୟୁନିଟ ପରେ 4 ଟଙ୍କା 80 ପଇସା ଓ 100 ୟୁନିଟ ପରେ 5 ଟଙ୍କା 80 ପଇସା ବର୍ଦ୍ଧିତ ଦର ନେଉଛି । କିନ୍ତୁ କମ୍ପାନୀ ପକ୍ଷରୁ ମିଟର ରିଡିଙ୍ଗ 30 ଦିନ ମଧ୍ୟରେ ନ ନିଆଯାଇ 40 ରୁ 45 ଦିନରେ ରିଡିଙ୍ଗ ନିଆଯାଉଛି। ଫଳରେ ସିଧାସଳଖ ବିଦ୍ୟୁତ ଉପଭୋକ୍ତା ୟୁନିଟ୍ ପିଛି ଅଧିକ ଟଙ୍କା ଦେବାକୁ ବାଧ୍ୟ ହେଉଛି।
ବିଦ୍ୟୁତ ମିଟରରେ ତ୍ରୁଟିପୂର୍ଣ୍ଣ ରିଡିଙ୍ଗକୁ ନେଇ ଜନ ଅସନ୍ତୋଷ