ଜଗତସିଂହପୁର/ପାରାଦ୍ବୀପ: ଯାଇଛି ସେ କାଳ ଆସିଛିରେ ଏବେ ନୂଆ ବେଳା । ପାରାଦ୍ବୀରେ ଆସି ଲାଗଇ ଜାହାଜ ଭେଳା ଭେଳା ପକ୍ତିଂ ଆବୃତ କରି ପାରାଦ୍ବୀପ ବନ୍ଦରର ଗାଥା ବିଷୟରେ କହିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ପାରାଦ୍ବୀପ ବନ୍ଦର କେବଳ ଓଡିଶାରେ ନୁହେଁ ସାରା ବିଶ୍ବ ପ୍ରସିଦ୍ଧ । ଏହି ଭବ୍ୟ ବୋଇତ ବନ୍ଦାଣ ଉତ୍ସବରେ ଯୋଗ ଦେଇ ମୁଁ ଖୁବ ଆନନ୍ଦିତ । କାର୍ତ୍ତିକ ପୂର୍ଣ୍ଣିମାରେ ଓଡିଶାବାସୀଙ୍କୁ ଶୁଭେଚ୍ଛା । ପାରାଦ୍ବୀପ ଭବ୍ୟ ବୋଇତ ବନ୍ଦାଣ ଉତ୍ସବରେ ଯୋଗ ଦେଇ ଅଭିଭାଷଣ ପ୍ରଦାନ କରି ଏହା କହିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ।
ନମସ୍କାର, ଜୁହାର, ଜୟ ଜଗନ୍ନାଥରୁ ଅଭିଭାଷଣ ଆରମ୍ଭ କରିଥିଲେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଓ଼ଡିଶାରେ ବାର ମାସରେ ତେର ପର୍ବ ପାଳନ ହୋଇଥାଏ । ଗୌରବମୟ ଅତୀତର ସ୍ମୃତିରେ ପାଳନ ହେଉଥିବା ବାଲିଯାତ୍ରା ଏକ ନିଆରା ପର୍ବ । କାହିଁ କେଉଁ କାଳରୁ ଏହି ପର୍ବର ନୌବାଣିଜ୍ୟ ସମୃଦ୍ଧିର ପ୍ରତୀକ । ଅନନ୍ତ ଆକାଶ ଗଭୀର ସମୁଦ୍ର ସବୁବେଳେ ରହସ୍ୟର ଗନ୍ତାଘର । ସମୁଦ୍ର ସହିତ କଥା, କାବ୍ୟ କବିତା. କାହାଣୀ ସୁଖ ଦୁଃଖ ଓ କିମ୍ବଦନ୍ତୀ ଜଡିତ । ସମୁଦ୍ର ମଣିଷକୁ ସୃଜନଶୀଳ କରିଛି । ଆପାର ଜିଜ୍ଞାସା ସୃଷ୍ଟି କରିଛି । ବ୍ୟବସାୟ, ବାଣିଜ୍ୟ ଓ ଆନ୍ତର୍ଜାତୀକ ସମ୍ପର୍କର ସାଧନ ପାଲଟିଛି ସମୁଦ୍ର । ଭାରତ ସଂସ୍କୃତିକୁ ରୁଦ୍ଧିମନ୍ତ କରିଛି ସମୁଦ୍ର । ଭାରତର ନୌବଣିଜ୍ୟ ପରମ୍ପରା ଅତି ପ୍ରାଚୀନ । ପାରାଦ୍ବୀପ ବନ୍ଦର ସାରା ଓଡିଶାରେ ସୁପ୍ରସିଦ୍ଧ । ପାରାଦ୍ବୀପ ବନ୍ଦର ବୃହତ ବନ୍ଦର ହେବା ଦିଗରେ ଅଗ୍ରସର ହେଉଛି । କାର୍ଗୋ ହ୍ୟାଣ୍ଡେଲିଙ୍ଗ କ୍ଷମତା ବଢିଛି । ପାରାଦ୍ବୀପ ବନ୍ଦରକୁ ସାଗର ଶ୍ରେଷ୍ଠ ସମ୍ମାନ ମିଳିଛି ।''
ଭାରତର ବନ୍ଦରଗୁଡିର ଭିତ୍ତିଭୂମି ଆହୁରି ସୁଦୃଢ ହେବା ସଙ୍ଗେସଙ୍ଗେ କାର୍ଯ୍ୟଦକ୍ଷତା ବୃଦ୍ଧି ପାଇବା ଦରକାର । ଏ ଦିଗରେ ଭାରତ ସରକାରଙ୍କ ସାଗରମାଳା କାର୍ଯ୍ୟକ୍ରମ ଏକ ପ୍ରଶଂସନୀୟ ପଦକ୍ଷେପ । ଏହି କାର୍ଯ୍ୟକ୍ରମ ଜରିଆରେ ପୋର୍ଟ ଉନ୍ନତୀ, ପୋର୍ଟ ଲେଡ୍ ଉନ୍ନତୀ ଆଡକୁ ଗତି କରୁଛି । ସାମୁ୍ଦ୍ରିକ ବାଣିଜ୍ୟପଥ ଭାରତ ଉପକୂଳ ନିକଟ ହୋଇଥିବାରୁ ଆମ ଦେଶରେ ବିଶ୍ବ ବାଣିଜ୍ୟ କ୍ଷେତ୍ରରେ ଅବସ୍ଥିତି ଅତି ଗୁରୁତ୍ବପୂର୍ଣ୍ଣ । ଦେଶର ବାଣିଜ୍ୟ ବ୍ୟବସାୟ ଓ ଅର୍ଥନୈକି ଅଭିବୃଦ୍ଧି କ୍ଷେତ୍ରରେ ସାମୁଦ୍ରିକ ବାଣିଜ୍ୟର ଭୂମିକା ରହିଛି । ଆଜି ଆମେ ମହାକାଶକୁ ଲମ୍ପ ଦେଉଛୁ । ସାଗାର ଗର୍ଭରେ ଯେଉଁ ବିଶାଳ ଜୀବଜଗତ ରହିଛି ତାହା ଏବେ ବି ଆବିଷ୍କୃତ ହୋଇନାହିଁ । ମହାସାଗରର ଗଭୀରତାକୁ ଆବିଷ୍କାରରୁ ନିବୃତ ରହିବା ନାହିଁ । ବୋଇତ ବିନ୍ଦାଣ ଉତ୍ସବରେ ଯୋଗ ଦେଇ ଏହା କହିଛନ୍ତି ରାଷ୍ଟ୍ରରତି ଦ୍ରୌପଦୀ ମୁର୍ମୁ ।