ଜଗତସିଂହପୁର : ଜିଲ୍ଲାରେ ସମ୍ଭାବ୍ୟ ବାତ୍ୟା ୟାସକୁ ନେଇ ଏନଡିଆରଏଫ ଟିମ ପହଁଚି ପ୍ରସ୍ତୁତି ଆରମ୍ଭ କରିଛି । ଗତକାଲି ଏନଡିଆରଏଫ ଟିମ ଗୁଜୁରାଟରୁ ଫେରି ପାରାଦ୍ୱୀପରେ ପହଞ୍ଚିଥିଲା । ତେବେ ଆଜି(ରବିବାର) ସେମାନଙ୍କୁ ବାଲିକୁଦା,ଏରସମା, କୁଜଙ୍ଗ ଆଦି ସ୍ଥାନକୁ ପଠାଇ ଦିଆଯାଇଛି ।
ସମ୍ଭାବ୍ୟ ବାତ୍ୟା ୟାସର ମୁକାବିଲା ପାଇଁ ବିଭିନ୍ନ ସ୍ଥାନକୁ ଗଲେ ଏନଡିଆରଏଫ ଟିମ
ପାରାଦ୍ୱୀପ-ସାଗର ଦୀପ ମଧ୍ୟ ଭାଗ ଦେଇ ସମ୍ଭାବ୍ୟ ବାତ୍ୟା ୟାସ ଆସନ୍ତା 26 ତାରିଖରେ ଲ୍ୟାଣ୍ତଫଲ କରିବାର ସମ୍ଭାବନା ରହିଛି । ଫଳରେ ପାରାଦ୍ୱୀପ, କୁଜଙ୍ଗ, ଏରସମା ବାଲିକୁଦା, ଜଗତସିଂହପୁର ଆଦି ସ୍ଥାନରେ ଘଣ୍ଟାପ୍ରତି 150 ରୁ 175 କିମି ବେଗରେ ପବନ ବହିବା ସହିତ ପ୍ରବଳ ବର୍ଷା ହେବ । ଫଳରେ ବଡ଼ ବଡ଼ ଗଛ ଗୁଡିକ ଉପୁଡିବା ସହ ଚାଳ ଛପର ଓ ଆଜିବେଷ୍ଟ ଘର ଉଡିଯିବାର ସମ୍ଭାବନା ଅଧିକ ରହିଛି ।