ଶାରଳା ସୂତାକଳ ସିଲ୍‌ ଘଟଣା, ସରକାରଙ୍କ ଇଚ୍ଛାଶକ୍ତି ଅଭାବ କହିଲା କଂଗ୍ରେସ

ଜତଗସିଂହପୁର ଜିଲ୍ଲା ତିର୍ତ୍ତୋଲରେ ଥିବା ଶାରଳା ସୂତାକଳକୁ SBI ବ୍ୟାଙ୍କ ସିଲ୍‌ କରିଛି । ଖବର ପ୍ରସାରଣ ପରେ ରାଜନୀତି ତେଜିବାରେ ଲାଗିଛି । ଅଧିକ ପଢନ୍ତୁ

ଜତଗସିଂହପୁର:ଜିଲ୍ଲା ତିର୍ତ୍ତୋଲରେ ଥିବା ଶାରଳା ଶାରଳା ସୂତାକଳକୁ(Sarala Spinning Mill) ଏସବିଆଇ ବ୍ୟାଙ୍କ ସିଲ୍‌ କରିଛି । ଖବର ପ୍ରସାରଣ ପରେ ରାଜନୀତି ତେଜିବାରେ ଲାଗିଛି । ଶାରଳା ସମବାୟ ସୂତାକଳକୁ ଋଣମୁକ୍ତ ଓ ପୁନଃଉଦ୍ଧାର ପାଇଁ ତିର୍ତ୍ତୋଲ କଂଗ୍ରେସ ଏକ ସାମ୍ବାଦିକ ସମ୍ମିଳନୀ କରିଛି । ସରକାରୀ ଉଦାସୀନତାକୁ ଦାୟୀ କରିଛନ୍ତି କଂଗ୍ରେସ ନେତା ହିମାଂଶୁ ମଲ୍ଲିକ । ଦେଢ ହଜାର ପରିବାରର ଭାତହାଣ୍ଡି ଭାବେ ପରିଚିତ ଥିବା ଶାରଳା ସୂତାକଳକୁ ପୁନଃରୁଦ୍ଧାର ପାଇଁ ଦାବି କରିଛି କଂଗ୍ରେସ । ଦାବି ପୂରଣ ନ ହେଲେ ଆନ୍ଦୋଳନକୁ ଓହ୍ଲାଇବ ବୋଲି ଦଳ ଚେତାବନୀ ଦେଇଛି ।

ପୂର୍ବତନ ଉପମୁଖ୍ୟମନ୍ତ୍ରୀ ବସନ୍ତ ବିଶ୍ବାଳଙ୍କ ପ୍ରଚେଷ୍ଟାରେ ତିର୍ତ୍ତୋଲରେ ଶାରଳା ସୂତାମିଲ୍‌ ପ୍ରତିଷ୍ଠା ହୋଇଥିଲା । ଯାହା ସ୍ଥାନୀୟ ଅଞ୍ଚଳବାସୀଙ୍କୁ ନିଯୁକ୍ତି ସୁଯୋଗ ସୃଷ୍ଟି କରିଥିଲା । ହେଲେ 22 ବର୍ଷ ହେବ ତିର୍ତ୍ତୋଲ ଅଞ୍ଚଳରେ ରାଜ୍ୟ ସରକାରଙ୍କ ନିଯୁକ୍ତି ସୁଯୋଗ ସୃଷ୍ଟି କରିବା ତ ଦୂରର କଥା ଜିଲ୍ଲା ତଥା ଅଞ୍ଚଳର ଗୌବରବହନ କରୁଥିବା ଶାରଳା ସୂତାକଳାର ପୁନରୁଦ୍ଧାର ପାଇଁ କୌଣସି ପଦକ୍ଷେପ ନେଇନଥିବାରୁ ରାଜ୍ୟ ସରକାରଙ୍କ ବିରୋଧରେ ବର୍ଷିଛି କଂଗ୍ରେସ ।

ବ୍ୟାଙ୍କ ଦଖଲକୁ ନେଇଥିବା ସମ୍ପତ୍ତିର ମୂଲ୍ୟ 56 କୋଟି ଟଙ୍କା ହେବ ବୋଲି କହିବାସହ ରାଜ୍ୟ ସରକାରଙ୍କ ନିକଟରେ 5 ଦଫା ଦାବି ରଖାଯାଇଛି । ପ୍ରଥମ ଦାବିରେ ରାଜ୍ୟ ସରକାର ମିଲକୁ ଋଣମୁକ୍ତ କରିବାକୁ ଦାବି ହୋଇଛି । ଶାରଳାସୂତା କଳକୁ ପୁନଃରୁଦ୍ଧାର କରିବା ପାଇଁ ବିଜେଡି ପ୍ରତିଶ୍ରୁତି ଦେଇଥିଲା । କିନ୍ତୁ ବର୍ତ୍ତମାନ ଏହି ମିଲ୍‌ଟି ବ୍ୟାଙ୍କ ହାତକୁ ଚାଲିଯାଉଛି । ଯାହା ଦୁର୍ଭାଗ୍ୟ ଜନକ । 15ଏକର ପରିମିତ ଜାଗା ସହ 56 କୋଟି ଟଙ୍କାର ସରଞ୍ଜାମକୁ SBI ଅକ୍ତିଆରକୁ ନେଇଥିବା ନୋଟିସ୍‌ ଲଗାଇଛି ।

ରାଜ୍ୟ ସରକାର 5କୋଟିର ଋଣକୁ ପରିଶୋଧ କରି ଶାରଳା ସୂତାମିଲ୍‌କୁ ପୁନଃ କାର୍ଯ୍ୟକ୍ଷମ କରିବାକୁ ଦାବି କରିଛନ୍ତି । ଏହି ଘଟଣାକୁ ନେଇ 5 ଦଫା ସମ୍ବଳିତ ଦାବିପତ୍ର ରାଜ୍ୟ ସରକାରଙ୍କୁ କଂଗ୍ରେସ ପ୍ରଦାନ କରିବ ବୋଲି କହିଛନ୍ତି ତିର୍ତ୍ତୋଲ କଂଗ୍ରେସ ଦଳ ନେତା ହିମାଂଶୁ ମଲ୍ଲିକ । ଯଦି ସରକାର ଦାବି ପୂରଣ ନ କରନ୍ତି, ତେବେ ତିର୍ତ୍ତୋଲଠୁ ଆରମ୍ଭ କରି ସଚିବାଳୟ ଯାଏଁ ଆନ୍ଦୋଳନ ପନ୍ଥା ଆପଣେଇବାକୁ ଚେତାବନୀ ଦେଇଛି କଂଗ୍ରେସ ।

ଇଟିଭି ଭାରତ, ଜଗତସିଂହପୁର